ماراح اقول أشلون او كيف .. او ليه ؟

 

ماراح اقول أشلون او كيف .. او ليه ؟

طاح العتب .. ما هيـب لحيـة مشاريـه خل الكـلام .. و حبـل الأعـذار طـوّه ماراح اقول أشلون او كيف .. او ليه ؟ تـرى السـؤال بـدون أجابـه مـشـوّه العذر مااات .. و مـات همـه و رااعيـه و الجرح جف .. و جـف غيمـه ونـوّه صاحبك ضاع الهـرج مـن بيـن أشافيـه مـا كنّـه اللـي كـان قبلـك .. مـفـوّه يجمع لـك مِـن الشعـر فاخـر معانيـه و يمـوت عنـدك قبـل فـيـها يتـفـوّه ليـه أنصـدم ؟ و تخـون قلبـي هقاويـه و يطيح نجمـي .. و أنخـذل فـي علـوّه أصدق مع الواحـد و احبـه .. و اثاريـه طـوول الليـالـي معتبـرنـي عــدوّه لايـا بعدهـم .. و أول الغيـث تالـيـه و أنت اتعرف قلبي .. و خيـره وسـوّه يمكن لو انك قلت غلطـان .. قلـت ايـه مير البـلا انـك قلـت .. ناقـص مـرّوه قل لي متى شحيـت فـي شـي ٍ أعطيـه و قل لي متى صـارت محبتـك .. خـوّه يصعـب علـى الرجـال يثبـت مباديـه و ان كانه اثبـت .. كيـف يثبـت سمـوّه الله يبيحـك عــن خـطـاك و تمـاديـه و يبيـح قلبـك عـن خـطـاه وغـلـوّه مادام حبـك خالطـه شـك .. مـا بيـه حب العتب و الشك .. مـاعيـش جـوّه ماكنّـي اللـي كـل مـا تلمـس ايديـه يغمـرك بأحسـاس و حـنـان الأبــوّه وما كنـي اللـي كـل مـا مـر طاريـه ضج الفضـا باسمـه .. و عكـر هـدوّه يـامرحبـا بالـجـرح .. و الله يحيـيـه لا صـار مـن يمنـاك و الجـرح تــوّه بعض الجروح ان صابـت القلـب تنهيـه و بعض الجروح .. تـزوّد القلـب قـوّه الله كتب.. و القـوس فـي كـف باريـه و اللي تشوفه يا أبيـض الوجـه .. سـوّه

المصدر: منتدى الخليج

 شكرآ على القصيدة الرائعه يعافيك ربي

 

شكراً بحر عالقصيده
صح لسان شاعرها
وصح ذوقك في الاختيار
لا هنتي
:20:

 يسلمو بحرالرواسى
على أختيارك هذه الكلمات الجميلة ويعطيك ألف عافية

 تسلمي على الكلمات الرائعه
يسعدك ربي

 

بحر الرواااسي
تسلم الأياااااااادي
على الطرح الجميل والرااقي

 الله يعطيك العافيه على الابيات
وبانتظار جديدك