خرافات أجدادنا **عجيييبه حياكم **

 

خرافات أجدادنا **عجيييبه حياكم **

خرافات أجدادنا **عجيييبه حياكم **

--------------------------------------------------------------------------------


هذي بعض الخرافات الي كانوا يعتقدون بها اجدادنا زماان اول



7
7
7

- بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح .

7
7
7

- بو النقيع هو حشرة من فصيلة الخنافس، كانوا يمسكونها بإيدهم ويتمنون أمنية إذا نقع بتحقق الأمنية وإذا لا ما بتحقق.



7
7
7


- الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلي ولا مشوي على الطريقة الافريقيه شو لاعت جبودكم ؟

7
7
7


- هاي حق اهل البحر بس إذا بتاكل السمجة لازم تقطع راسها قبل ما تبتدي فيها.


7
7
7


- تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.


7
7
7


- الماي مب زين ينشرب حزة الغروب، لأنه يمرض.

7
7
7

- يوم بتي ترقد لا تحط الماي عند راسك لأنه يخف نظر العين. حطوها تحت المخده

7
7
7

- كانوا يقولون رقاد العصر يقصر العمر. <<علما بأن الرسول -عليه الصلاة والسلام- أوصى بالقيلولة

7
7
7


- النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه ووتكفيخ .ويقولون حرام اتم الجهة السفلية من النعال مجابلة السما لان فيها الله...(انزين والوسخ المكود ع الارض...ما يجابل السما؟)

7
7
7

- كانوا يدخنون بالشب لأنه يطرد الحسد.

7
7
7

- كانوا يقولون إذا رفت العين اليمين خير، وإذا رفت العين اليسار شر.

7
7
7

- إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه)).

7
7
7

- إذا خشمك (الأنف) حكك يعني بتسلم على شخص ياي من بعيد.


7
7
7

- إذا الأذن صاحت يعني حد يطريك يا بالخير أو بالشر.

7
7
7

- أذا كان شخص طالع وناديته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.

7
7
7



- الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن .


7
7
7

- الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه.



إشرايكم في الخرافات

المصدر: منتدى الخليج