الركبة السعوديه عقدة بعض الشباب

 

الركبة السعوديه عقدة بعض الشباب

الموضوع الا منرفزني او من جد شدني وحسيت انو يستآآهل احطو لكم هنآآ حتى لو كآن كلآمي لا يودي ولا يجيب لكن على امل "يفتح" بعض العقول بدآية احب اوجه احترآمي لجميع السعوديآآت حتى لو خآلفوني الرآي .. واختلاف وجهآت النظر لايفسد للود قضية ............ لفت نظري مؤخرآ انتشآر برودكآست BC عن موضوع ( السعودية ام ركبة ) وصآرت النكت اووفر لدرجة يجيني باليوم 13 BC عن هالموضوع وطآحو فيهآ طيحة .. وبصرآحة هالشي مو جديد على مجتمعنا السعودي!! محشش بالطيارة ورااكبه جنبه وحده لابسه تنورة قصيره فوق الركبه،ويبغى يتميلح ويتعرف عليها ،،،قام سألها:مرحبا- انتي سعوديه؟ ابتسمت وقالت:صح عليك ،لكن وش دراك؟قال:ركبك سود بالله وش يضحك بهالنكتة؟ وجبتلكم بعض الاشياء اللي من جد تحززن ولاحظو ان اللي كآتبين هالاشيآء او حاطينها اساسا هم سعوديين انفسهم !! يعني بالله ركبة حليمة تسوى وجه سعودية؟؟ هذآ كلآم ينقآل عن مذيعة الاسفنج و تعمم على بنات السعودية كلهم ؟؟ بعض الناس مصيبتهم ما يعرفون قيمة الكلام اللي ينطقونة بعني بذمتكم يا عالم .. هل تردى الحآل بالمرأة او البنت السعودية انها صارت "تقآس" بلون ركبتها !!؟ هل هذا بنظركم المعيآر اللي يخليها افضل او اسوأ من غيرها ؟ يعني انا استغرب من هالهجوم القوي وخآصة على بنات السعودية مدري ليه يعني ... والمشكلة انه 90% غلط !! ويكون اللي كآتبه او منزلة او مخترعه اسآسا واحد ثوبه ما غسله له شهرين و شعره مغبرر وماعنده الا 3 ريال في جيبه! انا بالمناسبات وبالاماكن العامة اشوف السعوديات بكل امانة وصراحة عاديات ! ماراح اقول كلهم صارووخ جمال ولا كلهم ركبة سودا !! في بنات والله انهم قرطآس من البياض .. مو كلهم .. وبعدين هالسعودية اللي انت وياه تتكلم عليهاآ ما سآلت نفسك .. هي وش نظرتها لك انت يا السعودي ياللي كاتب هالكلام ؟؟ شوفو بعض البنات للاسف ردو على هالموضوع بالـBC اللي انتشر مؤخرا : الشاب السعودي .. مغزلجي و شفايفه سودا -- الشاب السعودي .. نفسيته خايسه و شفايفه سودا -- الشاب السعودي .. عقله صغير و شفايفه سودا -- الشاب السعودي .. مايملى عيونه إلا تراب و شفايفه سودا -- الشاب السعودي .. خروف و شفايفه سودا -- الشاب السعودي .. سلتوح و شفايفه سودا -- الشاب السعودي .. يخق على الشغاله " كفوه " و شفايفه سودا يعني بالله وش استفدتو كل واحد يسب بالثآني ؟؟ هل هذي اخلاقكم .. انا ما اقول ما تضحكون ما تقولون بس انتووو فاهمين الموضوع غلط يا جماعة في نآس ترسل هالموضوع كـ مزحة او نكته وتقول عادي خلينا نضحك .. بس بعضهم يكون راسلها و مصدقق انها واقع وينسى انها انعكاس عن مجتمعه! ترآ يا عالم في هجوم على البنت السعودية بكل مكان .. ومن ناس سعوديين -صحافيين وغيره .. يشوهون صورة البنت السعودية انها كذا وكذا وكذا ..مرآآ يتكلمون عن العبايات ومرة انها تخاف من اهلها و لا النكت اللي تجي سعودية راحت تقابل خويها وسعودية ركبتها مدري ايش ..................................... اكتبو سعودية باليوتيوب وشوفوا لاحظوا ان الموضوع لتشويه صورتها بدآ يوصل للاعلام العربي مو بس الخليجي او السعودي !! ما يجيبون الا الاشياء الـ (سلبية) ! والمشكلة اللي يكتب او يقول او يعرض هالاشياء هو سعودي او قنوات اصحابها سعوديين! وبعضهم يجيبه من واقع وهم نسبة 5% والاغلب كله صواريخ وتاليف ! ويقولون لك تحسين صورة المراة السعودية بالخارج و غيره .. شوفو الاجانب وش كاتبين عنها هذا وهم اجانب! شفتو فضيحة جنسية ؟؟ شفتوو حالة فقر ؟؟ شفتوو سب فيها ؟؟ اكيد لآآ لان البلآ مو تحسين صورتها بالخارج المفروض نشتغل على تحسين صورتها ببلدها باالاول !! كل مكان الاعلام - الانترنت - حاليا البي بي كلها نكت و كاريكتيرات و سخافات سب فيهآآ وتشكيك في قدراتها وتفكيرها .. ليش النظرة السلبية لهآ ؟؟ يآخي ما قلنالكم ادعموها ولا تساعدونها الحمدالله ما نحتاج احد .. بس ارتقوا بتفكيركم عنها شوي هذي السعودية هي امك وهي اختك وهي بنتك ! وانتي وياها ياللي تنشرون هالكلام برودكاست و مدري وشو يعني اني (انا ركبتي مو سودا ومالي دخل فيهم ) كيف ترضين يقولون هالكلام عنك او عن اي واحدة سعودية؟؟ بجدد غبآء ترسل ومَ تتدري وش الطببخه ويا عالم ترا في اختراع اسمه ليزر حتى اللي عندها مشكلة الركبة بتسوي تبييض وتفتك يعني من جد ماتو الناس اللي يعانون من هالمشكلة اصلا الحين عمليات التجميل والتصليح والسمكرة بكل مكان ! احس لما اقرا هالكلام عن البنت السعودية كانني راجعه بالزمن 30 سنة ورا! انا اللي ينرفزني "مستوى التفكير" اللي وصلنا له مع احترامي للكل! اخر شي تركنا العالم وقعدنا على "شفايفه سودآ " لا "ركبتك سودا" و " وانا "البس .... وفانيله" ! اتمنى يكون في رقي شوي في نظرتنا لمجتمعنا ولنفسنا علشان الناس تحسن نظرتها عننا ترآ في ناس يبون وقاصدين يشوهون صورة البنت السعودية لغرض في نفس يعقوب! ويطول كلامي بهالموضوع لان بعض العقول للاسف متحجرة وماراح تتطور.. .. اترك لكم حرية الرآي واختلاف الراي لايفسد للود قضية..

المصدر: منتدى الخليج

 مع الآسف إن بعض الشباب مع الخيل ياشقراء
ومعاهم معاهم عليهم عليهم
ومايدري إنه يهين نفسه قبل يهين بنات بلده
لأن البنت السعودية هي أمه وأخته وقريبته قبل البنات الآخرين
والله يهدي كل شخص يستهزأ ببنت بلده أو ببنات الآخرين
ويسلمو همسه غلا ويعطيك ألف عافية

 يسلموو ع المرور

 مشكووووووووووووووووووووووووووووووورهـ

على الطرح

والركب سود والى بيض وش الاهميه في ذلك

الاهم دينها واخلاقها وقلبها الصفي

انا وش بستفيد من ركبه تلق وقلب اسود واخلاق سيئه

بس زي ما قالو معهم معاهموالبعض كتب بالموضوع وهو ما يدري وش السالفه

بارك الله فيك ولاتحرمينا من جديدك

 

 هههههههههههههههههههههههههههههههههههههههههههههه
يالبى بنت السعوديه
بلا ركبه ورديه بلا هم
فديت السعوديات يا عالم

 لانهم ماعرفو ويش سبب السواد اللي بالركبة
لانها محافظة على صلاتها وركوعها وسجودها ربنا شرفها بالسواد اللي على ركبها