حكومة الحب

 

حكومة الحب

[frame="14 70"]سألـت جفـني ليه يا جفـن ما تـنام
قال اسأل القلب الشـقاوي لعـلّه

يجـاوبـك لانـّه هـالايّـام منـضـام
سألت قـلبي قال الاحـساس خلّه

واسأل زمانك لانه اسـباب الآلام
رحت اسأله شفت الزمن فيه عِلّه

والأسـئله تـشـبه تـفاسـير الاحلام
والحـلـم ما تـقـدر تـفـسّـره كـلّه

وان اللـيـالي والثـقـافـه والالـمـام
أقـول لـنجـوم الـسـما والأهـِـلّه

ما ترفع الشاعر محطات الاعلام
ولا الصور على غلاف المجلّه

ما يـرفـعـه إلاّ مـقـــامـه لـيا قــام
في مـوقـفٍ ما كل رجـلٍ يحِـلّه

والصحف لوجفـّت ما جفـّن الاقلام
سـمّـع قـلوب الحاسدين المغـلّه

وانا قـبـل عـاميـن والاّ قـبل عــام
والشعر سيفٍ لا تضايقت اسِلّه

أركـّب الفكره على حسب الالهـام
واخاف من بيتٍ يجي فـيه زلّه

والأرض ضاقت كرْه والعالم اقسام
ولكـل قـسـمٍ بيـن الاقـسام مِـلّه

وْلا صار وضع الـناس بين الايّـام
بيـن المجامـل والحـياه الممـلّه

ودّي أكـوّن دولـــــةٍ دون حـكـّـام
الحب يحكمها .. وهي مستـقلّه

ما احب أبدي راي أو أخـذ احكام
قـبل اطـّلع على جمـيع الأدلّـه

سـيـاسـة المـتـسـيّـد الـقـائـد العـام
اللي يـقـدّره الـزمـان بْـسـجـلّه

أبوي عون الجار وضعاف الايتام
اللي يفـز لهم لاجـوه فـْ مَـحَـلّه

ألله يعـز اللي يعــزّون الاســــلام
والله يـذل اللي يـحـب الـمـذلّه[/frame]

المصدر: منتدى الخليج

 يسلمو الوحيد والقمر
على وضعك هذه الكلمات الجميلة ويعطيك ألف عافية

 يعافيك ربي على القصيدة الجميله

 تسلم ع الكلمات الجميله
ويعطيك العافيه

 الف شكر ع المجهود

بانتظار المزيد

ودي

 شكراً لطرح الكلمات
يعطيك ربي العافية

 

لله درك ما اروعك
سلمت يمناك لاعدمناك
بقمه الابداع والروعه والذوق
بـ أنتظار جديدك القادم بشوق
لك مودتي