سلامة إحساسك إذا عندك إحساس

قـائـمـة الأوسـمـة · #1

أخيرا سكوتي عفى عـن كلامـي
واطلق حروفي بين قاسي وحسّاس

في كل ليله انسرق عـن منامـي
واسهر مع موتي ليا ناموا النـاس

انا وحيـد وضايـع فـي زحامـي
بين الشقا والضيق والحزن والياس

ماعاد باقيلي سوى جـرح دامـي
وذكرى تهز القلب وشوية انفـاس

حرام فيك الحـب والحـب سامـي
ماينشرى بالمال وعقود الالمـاس

وحرام فيك اصـب كـل اهتمامـي
وافرش ضلوعي كل مامرّك نعـاس

صحراك ماردّت جمايـل غمامـي
جفت سنينـي والمعاليـق يبّـاس

ماكنت احسب الشوق مثل الحرامي
لو ادري خليت المحاديـب حـراس

ياعين مـا عـاد اتعـوّد غرامـي
وياقلبي امسحها في وجهي ولاباس

ولا انت منت بكفو حتـى سلامـي
لو ان زينك طاغي ومالـه قيـاس

وجهك خرافه واسمك احلى الاسامي
لكن خساره معدنك معـدن نحـاس

هذا عتب يسبق عواصـف ملامـي
ماينحصر لو ينحصر بين الاقـواس

وان كان جرّحك العتب في كلامـي
سلامة احساسك اذا عندك احساس

المصدر: منتدى الخليج

#2

يسلمو كنز الغلا
على وضعك هذه الكلمات الجميلة ويعطيك ألف عافية

قـائـمـة الأوسـمـة · #3

فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..!
طًرّحٌ مٌخملَي ..,
كُلْ شَئَ مختلفْ هُنــا
يعطَيكـً العآفيةة ..ولـآحرَمنآ منَكـً
بإنتظَآرَجَديِدكًـ بشغفَ