أشهر التنقيعات في رمستنا

 

أشهر التنقيعات في رمستنا

اليوم حبيت احط لكم موضوع عن الاخطاء الشائعه في رمستنا(كلامنا)

اليومي وانشالله الموضوع ينال على اعجاب الجميع

بسم الله نبداء

1-ما فيني : والصواب- ما فيي ومعناها..ليس باستطاعتي.

2- معور لي براسي: والصواب- معور لي راسي..ومعناها يصيبني
بالصداع.

3- ملوعليه بجبديه: والصواب- ملوعليه جبديه..ومعناها يصيبني
بالغثيان.

4- ملعوزبيه: الصواب- ملعوزني- ومعناها اي يضايقني.

5- مشردبيه: والصواب مشردنيه..ومعناها يدعوه للهروب

6- يلحق وراي: والصواب- يلحقني..وهي فصيحة.

7- يترمس: الصواب- يرمس..ومعناها يتكلم.

8- هديت لك ملاحظة: الصواب خليت لك ملاحظة..ومعناها تركت لك ملاحظة.

9- عليه شنب ولحيه: الصواب فيه شنب ولحيه.

10- حق شو: الصواب شحقه...ومعناها لماذا؟

11- مال شو: الصواب شماله..ومعناها لأي غرض؟

12- اعباه: الصواب عباه..ومعناها عباءه.

13- يتكلم مواطن: الصواب يرمس رمستنا او يتكلم اماراتي.

14- زخ قناة الشارجه: الصواب حط قناة الشارجه.

15- يلعب في الكرة: الصواب يلعب بالكرة.

16- اشقا: الصواب شقا او شقايل ومعناها كيف؟

17- شاي سليماني: الصواب شاي حمر

18- يضربه ويا العصا : الصواب يضربه بالعصا.

19- زايد فيه: الصواب زايدنه.

20- يالس ليه يلعب: الصواب يالسلليه يلعب.
21- ويايه ولا وياك: الصواب فيايه او فياك


وانشالله الموضوع ينال اعجابكم

المصدر: منتدى الخليج

 
يسلمو قلبي الإمارات
على وضعك هذه المعلومات ويعطيك ألف عافية

 قلبي الآمارات
يسلمو على طرح المعلومات
يعطيك العافيه يارب
سلمت الآيادي

 يسلمو ع الطرح

ويعطيج العافيه

 

ههههههههههه
الي يحاولون يرمسون شرات لهجتنا هم الي يخورون في الرمسه
تسلمينے أختيے
يعطيكے ألفے عافية
لكے منيے أرقے و أعذبے التحايآ

 قلبي الامارت

يسلمو على هذا الطرح الجميل
دمتي بخير وعافية
ولك ارق التحايا

 يسلمو على طرح المعلومات
يعطيك العافيه يارب