المطبخ الهندي

 

المطبخ الهندي

عندما نبحث عن المذاق المتميز .. والطعم المغمور بنكهة الشرق
عندما يطهى الطعام بشرارة الطاهي و حرارة النار وقرون الفلفل المشتعله
عندما تمتزج أنواع التوابل الطبيعيه مع بعضها مكونه جمال اللون والطعم والرائحه
يتبادر إلى الاذهان ، طعام فريد من نوعه ، نجده فقط في ( المطبخ الهندي )



Menu ~


Instant Tomato

Khatt Daal

Chapatti

Raite

Tri Color Stir Fry

Indian Potato Salad

Tandoori Salad

Ginger & Garlic Chicken

Pakora

Samosa

Spicy Tandoori Cauliflwer

Curry Chicken

Skillet Murgh

Vegetable Jalfrezi

Yogurt Biryani

Chicken Tikka Biryani

Zair Lime Cocktail

Mango Lassi

Chocalate Burfi

Gulab Jamun

Suji Halwa

Jalebi Sweet







Instant Tomato Soup





علبة طماط جاهزه .. ونطحنها بالخلاط
زيت أو ملعقتين صغيره زبده
ربع ملعقه صغيره حبوب الخردل
حبة فلفل أخضر حار " نقطعه نصين بالطول "
ربع ملعقه صغيره فلفل أسود
ملح
ملعقه صغيره تمر هندي ننقعه في شوية ماي
أو
ممكن نستبدله بملعقه صغيره عصير ليمون



نشوّح حبوب الخردل في الزبده ونحط الفلفل الأخضر الحار ونقلبها شويتين
ونحط الطماط عليها ونخليها تغلي لما نحس إن الطعم اختلط مع بعض , نضيف الملح والفلفل الأسود
والتمر الهندي ونخليها تغلي ثواني بس
بعدين عند التقديم نضع كزبره أو بقدونس ..


Khatt Daal Soup





كوب عدس برتقالي مغسول ومنقوع
3 أكواب ماي
نص ملعقه صغيره كركم
شوية فلفل أحمر بودره
فصين ثوم
شوية زنجبيل مبشور
ملعقة زيت
ملعقه صغيره خردل حب
ملح
نص ملعقه صغيره كمون حب




في قدر نحط العدس والماي والثوم والزنجبيل والكركم والفلفل البودره ونخليها لين يستوي العدس بعدين الملح
في مقلاه نحط الزيت وحبوب الخردل والكمون ونحمصها شوي ونرشها عالشوربه وعند التقديم نرشها بالبقدونس أو الكزبره





Chapatti





كوب ونص دقيق
ثلاث ملاعق صغيره زيت
ربع ملعقه صغيره ملح
نص كوب ماي دافي



نخلط المقادير مع بعض لين تصير عجينه لينه , نقسمها ست كور ونفردها وتخبز على طول ..





Raite





علبتين زبادي
شوية نعناع
نص كوب بقدونس
فص ثوم وقطعة زنجبيل صغيره
ملعقه صغيره كمون
وملح



في الخلاط ( النعناع والبقدونس والثوم والزنجبيل والكمون والملح )
بعد ما تُفرم نضيف الزبادي ونخلطها شوي إذا حبيتوا تخففونها ضيفوا لبن ..





Tri Color Stir Fry





فلفل بارد أخضر وأحمر وأصفر مقطعه مكعبات كبيره
حبة طماط مقطعه مكعبات كبيره
حبة بصل أحمر مقطعه قطع كبيره
حبة خيار مقشره ومقطعه قطع كبيره
ملعقه صغيره chat masala " تشات مسالا "
نص ملعقه صغيره تندوري مسالا
ملح
ملعقه كبيره عصير ليمون
ربع كوب توت بري مجفف
حبة فلفل أخضر حار



نحمس البصل والطماط والفلفل الحار 3 دقايق , نضيف البهارات والفلفل الملون ونخليهم شوي
نطفي النار ونضيف الخيار والملح
وعصير الليمون والتوت المجفف والبقدونس المقطع ..





Indian Potato Salad





ميني بطاطس .. أو بطاطس مقطعه مكعبات كبيره
نص كوب بازلاء
زيت بصل مفروم ناعم
فص ثوم مهروس
حبة طماط مفروم
خليط البهارات ( ملعقه صغيره حبوب الخردل و حبوب الكمون ملعقه صغيره تندوري مسالا , كمون , كركم , كزبره )
ملح
فلفل أسود
فلفل أحمر
حبة طماط مقطع مكعبات صغيره
كزبره خضراء



- نسلق البطاطس و البازلاء في ماي وشوية ملح ونتركها على جنب
- على النار .. نحمس الزيت مع البصل و الثوم و الطماط المفروم وخليط البهارات
الملح , الفلفل الأسود والأحمر , نضيف البطاطس والبازلاء على المقادير السابقه
ونحركها حتى تتجانس
عند التقديم نضيف لها طماطم مقطعه ونزينها بالليمون
الأخضر والكزبره






Tandoori Salad





صدور كامله ( غير مقطعه ) تتبل بتتبيلة التكا




لتتبيلة التكا

( ملعقه كبيره ثوم و زنجبيل مهروس + ملعقه كبيره فلفل أخضر حار, ملعقة زيت , ملعقه كبيره جارام مسالا بودر , ملعقه كبيره كاري ، نص ملعقه كبيره كركم , علبة زبادي , ملح , ملعقه كبيره عصير ليمون ) نغطيها ونتركها بالثلاجه ليله كامله
فلفل بارد
خيار مقطع حلقات
خس أمريكي



تشوى الصدور بالفرن في حراره متوسطه و تقطع
تخلط مع الخضار
تصب الخلطه فوقها

الخلطه : صوص الرايتا






Ginger & GarlicChicken





صدور دجاج
التتبيله ( ملعقه كبيره ليمون , ملعقه كبيره ثوم وزنجبيل مهروس , بيضتين + أربع ملاعق صغيره نشا ، ملعقه صغيره ملح و رشة فلفل أحمر بودره )
بقسماط



ندق الصدور ونقطعها طوال ونتبلها بالتتبيله , ونخليها بالثلاجه ليله كامله , نطلعها ونغطيها بالبقسماط وتقلى





Pakora





بالخلاط : ( ملعقتين كبار بصل أخضر الجزء الأخضر, فصين ثوم , ملعقه كبيره بقدونس , ملعقتين كبار كزبره خضرا مفرومه نص ملعقه صغيره بيكربونات الصوديوم ، جبنة تشيدر كرافت وسط مبشوره ، بيضه , بطاطس وسط مسلوقه ربع ساعه ومبشوره ملعقه صغيره كركم وملح , ربع ملعقه صغيره فلفل أسود )
كوب ماي
كوب ونص دقيق الحمص
كوب دقيق



نضيف اللي بالخلاط على دقيق الحمص والدقيق ونضيف الماي ونعجن لحد ما تصير ثقيله ( مثل ثقل البان كيك )
نصب بمقدار ملعقه كبيره من العجين في الزيت ونقلبها لحد ما تتحمر .





Samosa






للعجينه

كوب ونص دقيق
ملعقتين زيت
ملعقه كبيره عصير ليمون
ملعقه صغيره ملح
ماي على حسب العجينه



للحشوه

حبة بصل مشوحه مع 3 فصوص ثوم مع حبة بطاطس مقطعه مكعبات صغار ومقليه + جزر مبشور + ملعقه صغيره كاري , نص ملعقه صغيره كمون
وبقدونس وكزبره وملح وفلفل أسود ونحمسهم مع بعض



نخلط مقادير العجينه ونضيف الماي شوي شوي لين ما تصير معانا عجينه متماسكه لينه
نعجنها شوي ونغلفها بكيس نايلون ونتركها شوي ع جنب
بعد ما ترتاح العجينه لمده بسيطه نقسمها إلى كور صغيره ( بحيث إن كل كره نسوي منها سمبوستين )
ونفرد كل كره بسمك رفيع ثم تقص الدائره نصفين .. النصف الواحد على شكل حرف
نلف كل نصف بشكل قمع وتغلق من فوق وتقلى






Spicy Tandoori Cauliflwer





زهره وسط
تتبيلة التندوري: ( كوب زبادي , ربع م ص بابريكا ملعقتين ك زنجبيل وثوم مهروس , ملعقتين ك بهار تندوري مسالا , ملح , ملعقتين زيت )
ربع ملعقه صغيره كركم , حبتين بصل وسط مقطعه شرايح , ملعقه صغيره كزبره بودره
نص ملعقه صغيره جارام مسالا ، رشة فلفل أحمر



نسلق الزهره 3 دقايق ونطلعها في ماي بارد , بعد ما تبرد نجففها ونحط عليها خليط التندوري وندخلها الفرن
ونحمرها من فوق بس
نحمس البصل مع البهارات لين يذوب ونحطها حول الزهره






Curry Chicken





صدور مقطعه مكعبات
زيت زيتون
حبتين بصل مقطعه مكعبات
ملعقه كبيره ثوم وزنجبيل مهروس
حبة فلفل أخضر حار
ملح
ملعقه صغيره من الكركم والكمون والكزبره
ملعقه كبيره كاري
ملعقتين صلصه
كوب كريمه
ربع كوب ماي
كزبره خضرا للزينه



نحمس البصل والصدور مع الزيت زيتون وإذا تغير لون الدجاج نضيف الثوم والزنجبيل والفلفل الحار ونخلط
نضيف البهار والصلصه والماي والكريمه ونخليه على نار هاديه لمدة ساعه ويزين بالكزبره

المصدر: منتدى الخليج

 

Skillet Murgh





دجاجه مقطعه ثمان قطع
ملعقه كبيره كزبره حب
ثلاث بصلات مقطعه شرايح
ثوم مهروس
ملعقه كبيره زنجبيل مبشور
حبتين طماط كبيره مهروسه
نص فنجال صلصه
ملعقه صغيره فلفل أحمر بودره
ملعقه صغيره كزبره بودره
ملعقتين صغيره ملح
نص ملعقه صغيره جارام مسالا
حبة فلفل أخضر بارد مقطع شرايح
ملعقه كبيره قشطه
كزبره خضرا
حبة فلفل أخضر حار مقطع شرايح
قطعة زنجبيل مقطع شرايح




نحمص الكزبره الحب عالنار بس يتغير لونها شوي على طول نشيلها ونطحنها طحن خشن ونخليها على جنب
عالنار نشوح البصل لين يشقر , نضيف الثوم ونقلب مدة دقيقه ونضيف الزنجبيل المبشور والكزبره المطحونه والفلفل الأحمر البودره
نضيف الدجاج ونقلبه على نار عاليه مدة عشر دقايق لين يتغير لونه
نضيف الطماط ونطبخه معاه مدة خمس دقايق
نضيف الملح والجارام مسالا ونخليه على نار هاديه مدة عشرين دقيقه , بعدها نضيف الصلصه
والكزبره الخضرا والفلفل الاخضر الحار وأعواد الزنجبيل والفلفل البارد والقشطه ونقلب مدة ثلاث دقايق ونطفي النار عنه ..






Vegetable Jalfrezi





نص زهره كبيره
حبة جزر
ربع ملعقه صغيره كركم
ملعقة زيت
نص بصله مقطعه مربعات كبيره
ملعقه صغيره زنجبيل
ملعقتين صغار ثوم مهروس
حبة طماط مفروم
ملعقه صغيره صلصه
ملعقه كبيره كزبره حب
ملعقه صغيره جارام مسالا
ملح
نص فلفل أخضر بارد مقطع مكعبات
نص كوب بازيلاء مثلجه
حبة طماط مقطع مكعبات كبار
شوية عصير ليمون



تسلق الزهره والجزر في ماي وملح وكركم مدة 3 دقايق ونطلعها ونحطها في ماي بارد
في قدر نحط الزيت والبصل والزنجبيل والثوم, بعد مايذوب البصل شوي
نحط الطماط المفروم والصلصه ونتركها دقايق , نضيف الفلفل البارد والبازيلاء والزهره والجزر
ومع إضافة كل خضره نحرك عشان تختلط النكهات, نحمس الكزبره الحب لما يتغير
لونها شوي بس بعدين نطحنها ونضيفها عالخضره ونحط الجارام مسالا ورشة ملح
وآخر شي قبل التقديم نحط الطماط المقطع وعصير الليمون ..






Yogurt Biryani





دجاجه مقطعه 8 قطع ومنزوعة الجلد
علبتين زبادي
حبتين بصل وسط مقطعه شرايح
رز مغسول ومنقوع
حبة بطاطس كبيره مقطعه مكعبات
ثلاث ملاعق زيت
ملعقتين زبده
ملعقه كبيره زنجبيل وثوم مهروس
حبة فلفل أخضر حار مقطع
عود قرفه
ورقتين غار
4 هيل حب
4 مسمار
6 حبات فلفل أسود
ملعقه صغيره كمون حب
ملعقه صغيره كمون
بودره
ملعقه صغيره كزبره بودره
ربع ملعقه صغيره كركم
فلفل أحمر بودره
ربع كوب نعناع
وربع كوب بقدونس
كاجو وزبيب



نحمس الكاجو والزبيب لين يتغير لون الكاجو بعدين نشيله ونحطه على جنب
في نفس الزيت نحمس كل البهارات الحب ثم نضيف البصل والثوم والزنجبيل والدجاج والبطاطس ونخليهم لين يتغير لون الدجاج
نحط الزبادي والكزبره والنعناع وكل البهارات البودره ونغطيه لين يستوي , نسلق الرز (نص استواء)
بنفس البهارات الحب اللي في الدجاج مع ملح وزيت , بعد ما نصفي الرز نحط نصه في قاع القدر
ونحط خلطة الدجاج فوقه ونغطيها بباقي الرز ونرشه بزعفران مذوب في ماي وشوية لون صبغه أحمر , وكم قطعة زبده ونغلفه بقصدير ونتركه لين يستوي الرز
يزيّن بالكاجو والزبيب والبصل المقلي ..






Chicken Tikka Biryani





صدور دجاج مقطعه مكعبات كبار متبل بتتبيلة التكا ( اللي سبق استخدمناها بالسلطه )
نغطيها ونخليها في الثلاجه لمدة ليله كامله
مقادير خليط المسالا :
( زيت , نص ملعقه كبيره كمون حب , ثوم وزنجبيل مهروس , ملعقه كبيره كركم , ملعقه صغيره جارام مسالا بودر , حبة بصل مفروم , حبة طماطه كبيره مقطعه صغار , رشة ملح )




نشوي الصدور اللي تبلناها بتتبيلة التكا في الفرن لمدة ساعه على حراره وسط بعدين نطلعها ونخليها على جنب
يسلق الرز مع جارام مسالا حب وزيت وشوية ملح (نص استواء) ويترك على جنب
لعمل خليط المسالا .. نحمس الزيت مع الكمون الحب شوي ونحط البصل والثوم والزنجبيل
واذا ذبل البصل نحط الطماط والبهار وصدور التكا المشويه ونخليهم لين يذوب الطماط ويصير متجانس ونطفي عنه
في قدر نحط نص الرز وفوقه خليط المسالا وفوقه باقي الرز ونرشه بالزعفران وكم قطعة زبده
نغطي القدر بقصدير ونخليه لين يستوي الرز .. وعند التقديم نضع الكزبره الخضراء والبصل المقلي ..






Zair Lime Cocktail





ملعقتين كبيره عصير ليمون
ملعقة سكر
سفن أب






Mango Lassi





مانجو مثلج
الكميه اختياري أو ( مايعادل كوب )
علبة زبادي
ملعقه كبيره سكر
تخلط في الخلاط
وتزيّن بالآيس كريم ..






Chocalate Burfi





5 أكواب حليب بودره
كريمة خفق * نص لتر *
وربع كوب سكر بودره
نص كوب * chocalate chips *
ملعقه صغيره كاكاو بودره




نخلط الحليب مع الكريمه والسكر ونصبها في صينيه مغلفه بورق الزبده أو كيس نايلون عشان يسهل شيلها من الصينيه
ونسيح الكاكاو في حمام مائي ونضيف بودرة الكاكاو ونصبها فوق الخلطه البيضاء وندخلها الفريز لين تجمد ..






Gulab Jamun





نص كوب حليب بودره
ملعقتين كبار دقيق
ملعقتين كبار زبادي
ملعقة زيت
ربع ملعقه صغيره بيكربونات الصوديوم
نص ملعقه صغيره هيل مطحون

للشيره

2 كوب مويه
2 كوب سكر
شوية زعفران



تخلط جميع المقادير مع بعض وتكوّر ( تبلّل اليد بزيت أو ماي وقت التكوير )
وتقلى وتصب عليها الشيره ..







Suji Halwa






نص كوب سكر
نص كوب سميد
ثلاث ملاعق كبار زبده ذايبه
ملعقه كبيره كازو محمص مجروش
ملعقه كبيره زبيب
كوب ماي
شوية زعفران
ربع ملعقه صغيره هيل مطحون



نحمص الكازو والزبيب والسميد ونقلب مدة عشر دقايق , نضع السكر ونقلب ونضع الماء ونتركها لين تثقل
نجرش السكر مع الزعفران ونضيفه ونخلط
وآخر شي نضيف الهيل ..
نضعها في قالب ونزينها باللوز ..






Jalebi Sweet






نص كوب دقيق
نص ملعقه صغيره خميره
ملعقه كبيره مويه دافيه
ملعقه صغيره دقيق الحمص
نص ملعقه صغيره سكر
نص ملعقه صغيره زيت
نص كوب ماي دافي
زيت قلي



في وعاء نذوب الخميره مع ملعقة ماي دافي ونخلطهم شوي , نضيف عليهم الدقيق ودقيق الحمص والسكر والزيت ونخلطهم
ونضيف نص كوب الماي بالتدريج لما تحصلين على عجينه مطاطيه لينه , نصبها في علبه مثل (علبة الكاتشب الضغط )
نحمي الزيت على حراره وسط وتسوون العجينه بالشكل اللي تحبون ويتم القلي ..

 شكرآ ع الطرائق بالصور
ويعطيج الف عافية

 

روووعة
ماشاء الله
اختي/حنين
كفيت ووفيت
ما اروع الاكل الهندي
جزاك الله خير

 يسلمو على طرح آلوصفآت ..

 يسلمو حنين
على وضعك هذه المقادير والطرائق بالصور ويعطيك ألف عافية

 شكرآ على الطرائق والصور