منذ /03-05-2012, 11:07 PM
#1
|
|
| حلى الجاناش بالشوكولاته البيضاء |
سهل ومايبيله .
عباره عن 4 طبقات - طبقتين منهم نفس الشي -
الطبقه الأولى - اللي تحت :
كيك فانيلا مفتت .. نحط في القاع من الكاس او صحن التقديم .
الطبقه الثانيه :
صوص الفراوله - مثل اللي في طريقة كيك الفيلادلفيا -
الطبقة الثالثه :
كاس من جاناش الشوكولاته البيضا ..
مثل طريقة الجاناش بالشوكلاته اللهم هنا حطيت الشوكولاته البيضا .
اللي هي ع النار :
نحط علبه كريمة خفق - المراعي العلبه الصغيره -
ونخليها لما تغلي .
الحين نصبها على 300 جرام من الشوكولاته البيضا تكون مقطعه صغار عشان تذوب بشكل اسرع .
ونحركها لما تذوب وتنخلط مع الكريما .
نخليها تبرد .
وبعدين ناخذ منها مقدار كاس ،
نخلطه بالخلاط مع : [ نص علبة لبنة بينار + 8 حبات جبن كيري ]
ونصبها كطبقة ثالثه .
الطبقة الرابعه :
صوص الفراوله .
ونزينها بفراوله ونعناع .
* طبعاً نخليها 3 ساعات بالثلاجه اقل شي .
انا عن نفسي سويت الجاناش قبل بيوم ،
و لما حطيتها بالثلاجه اليوم الثاني كانت متماسكه وماخذت 2 ساعتين
.
.
وبالعاااافيه على قلوووبكم ....
 |
|
|
|
|
|
أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
الإهداءات
العرض الشجري