فضائح بعض أعضاء الهيئة السعوديه أكثر من مقطع

 

فضائح بعض أعضاء الهيئة السعوديه أكثر من مقطع

السلام عليكم ورحمة الله وبركاته ..
طابت أوقاتكم بكل خير ..
اليوم حاولت أجمع أكبر عدد من المقاطع لفضائح الهئية السعوديه بقيادة من يقال أنهم رجال الحسبه ..!
كثرت بالأيام الأخيره فضايحهم ومقاطع لهم .. ومع ذلك مانشوف أحد يوقفهم عند حدهم بهالمهزله اللي يقومون فيها ..
ضرب .. إعتداء .. آلفآظ سوقيه .. كل هذا برجال الهيئه ..!
أي قانون يفررض إن الهئيه تتكلم بألفاظ سوقيه ..
وأي قانون يعطي الهئيه الحق بلمس النساء .؟
كثرت كلمة هيئه .. بالايميلات .. وبالبلاك بيري .. وبالمنتديات ..
ومع ذلك كل مره يسوون لنا مصايب أقوى من كذا ..
ويجونا الناس ويقولون هذولا رجال حسبه ..
أي رجل هيئه يستقوي على أي مواطن أو مواطنه بحكم لحيته .. أو الجيب اللي راكبه هذا مو رجال .. ولا يمت للرجوله بصله ..
الموضوع هذا .. أنا الوتر الحساس .. نسقته وجمعته وأضفته .. لعل وعسى يحسون الحكومه باللي حاطينهم علينا ..

نبداء بالمقاطع . وكل مقطع له نبذه عنه للي مو حاب يتفرج واللي حاب بس يقرى ..

1/ المقطع هذا الهيئة تعدي على بنت بالسوق .. فقط لانها بتطلع من مكان معين أو تبي تتسوق ..!
أنت وش دخلك من الأساس للمول .. وبالله هذي ألفاظ رجال يقولها .؟
قمة المسخره والإنحطاط ..



2/ مقطع من الواضح فيه أحتكاك رجل الهيئة عذارً .. طفل الهيئه بفتاتين وشجاعة شاب سعودي
إنه فزع لهم وركبهم وأبعدهم عن الهيئه .. لاحظوا .. إن البنت من صوتها ماتدري ليه هم أساساً يلحقونها ..
لكن مانقول الا الله ياخذهم .. المقطع يحتوي على أغنيه لكن لعدة ثواني ‘‘ فقط أسمعو وش يقول لها ..




3/ هنا يسحبون بنت بكل وقاحه قدام الناس والكل شافها ....!



4/ هنا هوشة شباب بالرياض قاليري .. هههههههههه أول مره اشوف هيئه يطقون وينطقون ..
بس وربي زين ماجاهم ..



5/ هنا طرد الهئية من الفيصليه وكلنا نعرف الفيصليه ..
ولو فيهم خير ماانطردو طردت الـ ...... !!



6/ وهنا مقطع جديد أهل جده يتصدون للهئيه ويفكون بنت منهم ..
ونكون أكثر واقعيه لو البنت غلطانه صحيح والله مايفكونها ..



نحلم بهيئه مسالمه لاتقتل لا تطارد ولا تتجسس ولا حتى تتربص لنا
بس هذا كله مستحيل ..
لان الهئيه عباره عن ناس يقال إنهم مطاوعه .. لا يشعرون بإرتياح إلا برؤية الدماء
ونحلم بهئية تتصل بالإسعاف أو الشرطه إذا ........... إلخ
هذي مقاطع .. وماخفي كان أعظم .. غير اللي ماتسجل عليهم .. وغير اللي يتسجل ومايرفع للناس ..
شي مايرضي الناس هذا .. ولآ أحد يقول إنهم مايبون الفتنه تنتشر وإلا يمسكون الناس اللي يغازلون ومن هالخرابيط ..
أتمنى أنه مايكون للهئية صلاحيات بعمل مثل هالأفعال الشنيعه وسحب كامل صلاحياتهم مثل ماانسحبت قبل 3 سنوات واللحين رجعت ..
أتمنى أنه أي شخص يكون غلطان مايضرب ويهان قدام الله وخلقه .. لأن الله قال ( من ستر مسلم بالدنيا .. ستره الله يوم القيامه ) ..
وأتمنى أي بنت تمسك لا قدر الله .. يكون الهيئه مالهم حق الا بتبليغ أقرب قسم شرطه وهم اللي يجون يتصرفون ..
لانهم مايخافون الله .. ويحبون شي أسمه نهين الشعب ..

المصدر: منتدى الخليج