'رڪـني ـآڷهادئ ۈطن ـآحڛـاڛي

 

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي

 أشكي مرارة حيرتي بدنيا ماظني بتزين
وإذا بدى بعيني الفرح تجد أحزاني وتبين

 

 

ɑ̷ώ3dќ м̝ά тłтƒт 3ïήч ł7d ώƨн άвï
$άќтня̈ м̝dάм̝ќ ┊[ēήт]┊łч

 أحس بضيقه :(
يارب وإن جاتك الدعوات مكسوره إفرد جناح الرضا وأجبر خواطرنا

 لي رغبهـ في البوح ولكن ..
للصمتِ هيبه ولسكوني رنات ريبه ..
::
::
الصمت حتماً خياري
فمن غيرهـ يحفظ أنهياري ..!!

 

يا ضيق تكفى ماهو بوقتك الحين !
توّي خلصت من الحزن | والكآبه ,