حوار بين دوب ونحيف

 

حوار بين دوب ونحيف

حــــــــــــــــــــوار بـــيـــن دوب & نـــحـــيــــف

(أيـــهــمــا تــنـــتـــمـــي ومـــن تـــشـــجـــع )



النحيف : وينك يالدب سمعت انك متنكر وموقف فى الشارع والعالم يدورون حواليك يحسبونك دوار ههههههههه


الدب:لا ياجنط انا اللى سمعت انك متنكر وخاش فى مكتبه وقاعد على أساس إنك قلم رصاص


النحيف:يارجال كل تراب والله لوتصبغ جوانبك اسود وظهرك أصفر صرت كانك حراثه ههههههههههه


الدب:الحين من زين جسمك والانسيت يوم طلعنا البر ونمت على طعس بغي يدعسك وانيت يحسبك حيه(أم جنيب)


النحيف:ابحلف بالله انت وجسمك انك لو تنسدح على جنبك الايسر وترفع يدك اليمنى صرت كانك عفريته قلابي


الدب: قووووويه هاهاهاه لكن شكلك نسيت يوم تمرض وتروح الطبيب وقال نبي نسويلك أشعه x قال ما يحتاج وحطك على لمبة المكتب وشاف وش فيك


النحيف: يارجال خلهم يشوفونك لين جيت تركب السياره دهنت جوانبك بفازلين علشان تزرق فى السياره وأنا غاسل يدي منك


الدب:ايه ولين ركبت جنبي قمت اعشق فيك احسبك القير من نحفك


النحيف:اقول أها بس أها من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص


الدب :اقول الحين متميلح نفسك انت وعصاقيلك اجل تبيني اصير مثلك لين جاء هواء طقوا اهلك في ثوبك مسمار في الارض يخافون عليك تطير


النحيف: تدري كل ماشفتك يالنفيخه تذكرت رجال كفرات ميشلان اللي في الدعايه كع كع كع


الدب: تصدق بالله لو تمر من جنب جيب الدوريات انك تشوش على جهازهم


النحيف : مسكين والله لو افصخك ثوبك وفنليتك واجلسك على الارض في الصين يعبدونك يحسبونك بوذا


الدب : ماشفت نفسك وانت واقف تري رجليك ساق بدون ركبه


النحيف :أقول سمعت اهلك يروشونك في الحوش بمكانس من كبرك


الدب : انا سامع انك تتروش بالمغسله


النحيف : انا سمعت انهم صوروك يبون يطلعون لك جواز وحطوا صورتك وكتبوا تحتها يتبع في الصفحه الاخرى


الدب : انا سمعت انهم صوروك 4 في 6 طلعت كلك


النحيف : انا سمعت انك اذا بغيت تركض تنسدح وتتدردب على جنبك اسرع لك


الدب : اقول رح بس وراك انت وجهك كنه مكان بريك سيكل


النحيف: هههه ضحكتني انت وخدودك كنها دفوف طقاقه


الدب: اقول شف شكلك رجال بيد بزر


النحيف : اقول شف خشمك كن متعلق به عجل


الدب: لا من زين خشمك كنه اصبع عجل


النحيف : اقول قم بس قم انت وشكلك كنك وايت مياه غير صالحه للشرب


الدب : ولا انت وشكلك كنك فار طايح ببالوعه


النحيف : شف سنونك كنها طلاب ثالث جيم واقفين عند مقصف


الدب: عاد من زين سنونك كنها ضغاطات مسجل صناعه صينيه

المصدر: منتدى الخليج