أنت غير مسجل في منتدى الخليج . للتسجيل الرجاء إضغط هنـا
| #8 | ||||||||||||
  
|
 نعود مع دايم السيف صاحب السمو الملكي الأمير / خــالــد الفيــصـــل ومن منا لا يعرف هذا الاسم ؟ الأمير الشاعر الفنان .. شاعر تغنينا ودندنا بكلماته قبل ان يتغنى بها المطربون .. شاعر لامس بكلماته شغاف القلوب .. أترككم مع هذه الوقفات مع شاعرنا الكبير ..  كيف كانت بداياته الشعريه ؟ ويجيب شاعرنا عن ذلك بقوله : " انفعلت ذات يوم بحدث... أحسست بكلمات تتفاعل في داخلي وتنساب على لساني تعبيراًعن هذا الانفعال، واستحساناً لمن حولي. هكذا عانقت الكلمة لأول مرة وعانقتني هي ولا أدري أيُّنا بدأالعناق؟" ”.. وأنا لم أحاول أن أكون شاعرا ًلأن في الأسره شعراء، ثم إن أخي عبد اللـه هو أستاذي نعم أعترف بذلك لا أدري لماذا تفجَّرت العواطف والأحاسيس وشقّت مجرى للشِّعر؟"مجرى سال منه شعر يطرب الخاطر ونثر يسكن الفؤاد، وتهفو لـه نبضات القلوب”وجدت نفسي قادراً على تقديم شيء.. ولي ثقة أن لديَّ بعض الجمهور ولكن ليس الغرور.. كل ما أستطيع تأكيده أن لديَّ جمهوراً من المتلقّين في ميدان الشعر، ومثلـه في ميدان الفن التشكيلي .. وقد بدأت محاولاته لكتابة الشّعر وهو في حوالي الرابعة عشرة عندما كان في مدرسة الطائف النموذجية . من هو استاذه ؟ وعن ذلك اجاب شاعرنا بأن استاذه هو الأمير / عبدالله الفيصل .. وقال : إعجابي بالأمير عبد اللـه بدأ منذ مجيئي للحجاز وعمري وقتها ثماني سنوات، وقد أعجبت به إعجاباً شديداً كأخ وكإنسان، وكنت مشدوداً إليه بشدة حتى أنني لازمته في معظم الأحيان، فكنت أحضر إلى بيته يومياً وكثيراً ما كان يصطحبني معه، وكانت رعايته لي شبه خاصة.. وكان دائماً يوجهني، ويفتح ذهني وعيني على أشياء كثيرة، وأذكر أنه منذ الصغر أحب الشعر وهذا من الجوانب التي كانت تعجبني فيه، وعلى الرغم من أن بعض الناس يتضايقون عندما يتلقون التوجيه أو النصح من أحد إلا أنني أشعر بسرور وانجذاب أكثر نحو الأمير عبد اللـه الفيصل عندما يوجهني، أعجبت به كرجل وإعجابي بشخصيته كبير حتى أنني عندما أكون في جدة لا أكون إلا معه، وأشعر نحوه بمكانة الأب بالنسبة لي، فقد كان حريصاً على توجيهي منذ أن كنت صغيراً، وأنا أشعر بأنه قد فتح ذهني على أشياء كثيرة.. ”كنت معجباً بشعره وكلما قال قصيدة كتبتها.. الأمير عبد اللـه أخي الأكبر، ومدرستي في الأدب والفنون، وإبداعي الشعري جزء من هذه المدرسة، ويضيف سموه في موضع آخر: ”وأنا لست تلميذه في الشعر فحسب، ولكني تلميذه في مدرسة الحياة الشاملة، فقد تعلمت منه الكثير، وأدين لـه بالكثير، ومهما قلت فلن أفيه حقه في هذا المجال لا في الشعر ولا في غيره . وقال في استاذه .. يا سيدي يا خوي يا أستاذ عمري علمتني وزن الحكي قبل الأشعـار وعن كتابته تحت اسم (دايم السيف) في بداياته يقول شاعرنا : ”لكل إنسان ظروفه وقناعته.. على أن الاسم المستعار وحده ـ بطبيعة الحال ـ لا يصنع شاعراً” ويضيف: ”وكل من يود أن يقدِّم عملاً جيّداً عليه أن يحترم الذين يُقدَّم لـهم هذا العمل الفنّي.. والتخوّف من هذا المنطلق احترام للنّاس وليس جبناً. هو احترام لمستوى القارىء واحترام لتذوِّقه.. والكتابة تحت اسممستعار تكون لجس النّبض.. وهي اختبار للشّعر لمعرفة مدى إمكانية وصولـه للمتلقِّي، وبحمد اللـه أثبت الشّعر نجاحاً فتم تجميعه في ديوان" ”والحمد للـه عُرف شعري قبل أن يعرفني النّاس، وهذا فخر لي" ويقول شاعرنا عن هذا الاسم المستعار: ”إنه رمز يحتاج إلى شيء من الجهد للوصول إلى المدلول، لا سيّما في تلك الفترة التي لم يكن اسمي الحقيقي قد عُرف جماهيرياً بالشّعر بعد، فخالد مرادف لدايم، والفيصل اسم للسّيف، (ومن وقتها وحتى الآن أجد ميلاً إلى هذه الرموز المقننة في إنتاجي)" بعض من قصائدهـ الشعر قالوا : كلام الشعــــــــــــر ولى زمانه قلت : الشعــــر باق على مر الأزمان مادام لرجال الشجــــــــــــــاعه مكانه واهل الشرف والجود بـــاق لهم شان وما دام أصيل الخيــــــــل يكظم عنانه والحـــــر في روس الشواهيق سكان ومادام بــــــــــــــــــه طير يغرد لسانه وما دام به ورده وغيمه وهتــــــــــــان وما دام في عود العذارى ليانــــــــــه وعيونهن تلعب بذريبن الإيمــــــــــان ومــــــــــا دام باقي خفقة في جنانه لا بد مــــــــا هز الهوى قلب الإنسان لابد من صـوت يغني حنـــــــــــــــانه أو عبرة تذوب في دمــــــــــع الأحزان الشعر صيحــــــــــــات الضمير وبيانه وهموم الناس صاغها الشعر وجدان أنـــا تـسلى أنا تسّلى بالشعـــــــــر لـي توصّفـت وإلاّ فــــــــــــــلا بالقـول مهنـة حياتـي مــــــــا قد سرقت البيت ولاّ تسلّفـت ما أقلّد الشّعار شعـــــــــــــري مرآتـي أنظم ثــــــــــلاث عقود واليـوم ولّفـت مع أول الـــــــــــــــرّابع ثـلاث خزراتـي مــــــا أناظر اللي راح مــــا يوم وقّفت عيني لبـــــاكر وش معه لــي ابياتـي ولاني بقـايل ليتني مــــــــــا تصـــرّف الحمد لله حـــــــــــــــافـظ كــــل ذاتـي وش عاد لـــــوني في حياتي تكلّفت يلعن ابـــــــــــــو قلب تــــرّيـح وماتـي كنّي مـــع نجوم اللّيالـي تـــــوظّفـت أساهر النّجمـــــــــــات حـل المباتـي وأسبابـــــه اللّي مــــن عيونه تعرّفت إني قتيله يـــــوم شــــــال الغطاتـي أنــــــا أشهد إنّي في غرامه تطرّفـت وصلــت حـــــد الموت قصدي مناتـى مـــــن أول في حــــب خلّى تلطّفت واليوم أقول ألطف بحـــــالي غناتـى جمال الروح كتبت من الشعر في كــــل معنى ولكن وصف زينك مــــــــــــــا بلغنا أنا وش لـــــــون اوصف زين روحك وذاتك حسنها مـــــــــا قد شهدنا أشوف الصبح في طلعتـك باسم وبك خجلة غروب الشمس شفنا تجي مثل الكرى سلطة حضـورك وما تبغيه من حلــــــــــــم حلمنا نشيت بعالمي منشا سحابـــــه يسابق نبتنا فيها زهرنـــــــــــــــا أحبك حب صقـــــــــــــــــار لطيره يعاف النوم لـــــــــــو ريشه تثنى واحبـــــــــك حب شاعر للقصيدة ان جــــــــــت ون وان عيت يونى واحبك حب فنــــــــــــــــــان لفنه عصر روحه على شـــــانك تغنى واحبك حب هـــــــــــاوي للهوايه قضى عمره ولا ادرك مـــا تمنى واحبك حب من يفداك عــــــمره فتــــــــــــــح قلبه وخلاك اتحنى راعي الفكر ياليتني ما كنت شـاعر ولا رسام ولا عــــــــرفت اكتب ولا اقول كلمه ولا افكر او تــــــــــــــداعبني أحلام ولا أميـــــــــــز بين رسمه ورسمه واصير واحــــــد بين قطعان الأغنام على العلف تحيـــــــــا بخير ونعمه راعي الفكر يشقى وترتاح الأنعام ولا يجتمع حظ غبي وحكمــــــــــه زمان الخلف زمــــان الخلف في سر القصيده تنــــــــــازع به قديمه مع جديده عرض فـي ساحته عالم وجاهل يصور لـــــــــــــــه خياله ما يريده عقب مـا هي شعر صارت قضيه ولــــــــو طالت بهم راحت ضحيه وكل لـــــــــه على المقصود نيه قريبـــــــــــــــــات النوايا والبعيده تبرج فــي حــــــــــوانيت الحداثه وتجمد مــع نــــــــــواظيم الغثاثه كفاكم يـــــــــا هل الغايه عبـــاثه سليلة مجد وعصــــــور مجيـــده قصيـــدتنا شكت عنـــدي وباحت وهلت دمعهــــا الصــافي وناحت وشقت جيبهـــــا غبن وصـــاحت نخيتك تكتب بحــــــالي قصيــده حــــــــــــرام انك تزوجني بكـــافر ولا تامن عــــلى الخفــرات فاجر والى همل عروس الشعر شاعر تعرضها مـــــــــن الحاسد مكيده أنا بنت العرب نســــــــل الأصايل وكم ضاحت على شاني حمايل ولا أقبل في عقيدتنا بـــــــــدايل حشيمتنا على الـــــــدنيا فريده أنا قدري رفيع بــــــــــــــــالجزيره ولا يــــــــــــــزيدني كبر الشعيره أساطيرالخواجـــــــــات استعيره حضارتنا شــــــــــواهدها عديده ألا يا شاعري نبه رجــــــــــــالي يــــذودون الحمى يحمون جالي ولا يرضون تشويهــــــــة جمالي عمى التقليد بــــــــذتني عبيده كثير القول مــــــــــن صف الكلام ولا لــــــــــه مع هل الفكره مقام تعابير لهن الفين عــــــــــــــــــام بـــــــــــــــلاده من مفاهيم بليده وبعض القـــــــــول مشبوه محرف يبي لـــــــــه فوق منشوره يعرف حظيظ جاهل الـــــــــرمز المظرف رموز مـــــــــــــن عرفها ما تفيده يجدد لي جمالي شعــــــر ملهم رفيع الذوق بــــــــــــالإبداع مغرم يصورنــــــــــــــــــي خياله واتكلم والــــــــى غردت عاودني واعيده أنا القصيدة لا تملين الشعر وأنا القصيــــــــــــــده صاغها من لوعة أيامي زمـــــــــــاني المعاني من غرابيلي جديـــــــــــــده من عذابي لحنـــــــــــوا حلو الأغاني كلما ونيت ردوها نشيـــــــــــــــــــده واسمع جروحي تصيح بصوت ثـــــان حرفي المجروح ســـــــامرهم يعيده كلما ودعت موجوع لفـــــــــــــــــاني مع جميع الناس وافكــــــاري وحيده شالوا الحاني وانــــا شلت المعاني زلت الأيــــــــــــــــام واحلامي بعيده والغريب يعذبه طــــــــــــــول الثواني الحزن لى ضاق في صدري شديده أبتسم لين يغبطني من لقـــــــاني يا حبيبة شعري وغــــــــالي خريده يا اشتياق الروح يـــــا داعي حناني يا عروس في خيالاتي فـــــــــــريده زفها ركب الغرام إلى مكــــــــــــاني إنت والأيام في وجهي عنيـــــــــده والليالي ساريه والعمر فــــــــــــــان عابر الخاطر ياعابر الخاطر تصورت معنــــــــــــــــاك لا شك ماكل الخواطر تقــــــــــــــــــال خذ صورتك لى جيت ساري بمسراك مالك بها مصلوح تبقى ولا لـــــــــــي تلقى من الشعـــــــار الاقصين ذولاك من ياخذ المعنى على كـــــــــل حال وأنا اتخير من معقل مطايــــــــــــــــاك مركوبة الفكره وافك العقــــــــــــــــــال إما سريت الليل مع نجم الافــــــــلاك والا مع شمسي تبعني ظلالــــــــي أوزن كلامي قبل يكتب بــــــــــالابواك واقلب المعنى على مــــــــاطرى لي الورد طيبي واتسوك مـــــــــــن الراك والثوب ضافي والقصر راس عــــــالي القسوه ليـــــــــــــه اذا حبيتك اكثر زدت قسوه وان دريت بحـــــــاجتي لك زدت جفوه وان عطيتـــــــــك من حياتي ما تريده ما كفاك وتحسب ان الحــــــــــب نزوه والله اني يـــــــــــــا احب الناس احبك والله ان الروح لــــــــــــــــو ترضيك فدوه والله انـــــــــــــــــي تارك غيرك وجيتك مزعل الزعلان والعـــــــــــــــــذال عنوه كل دقــــــــــــــة قلب فيني لك قصيده تكفي الدنيا مع الأحبــــــــــــاب غنوه وكل هاجس مــــــــــا يجيب الا خيالك سلوتـــــــي بالعمر في صحوه وغفوه أجمع احساسي وأشواقي واجي لك والبس ثيــــاب الهوى والعشق كسوه وانتقي لك مــــــن سواليفي حسنها والقصــــــــــــــــايد من غزلها كل حلوه وانثر الضحكات والعبرات عنـــــــــــــدك تاخذ اللي تلتقي لــــــــــك فيه سلوه واذكر الله كلما نــــــــــــــاظرت حسنك اشهد انك فـــــــــوق عرش الزين ذروه ما قصدت بكل هــــــــــــــــــــذا اتجمل أو اقــــــــــــول اني احق الناس حظوه ادري اني عـــــــــــــــادي ما في ميزه وادري اني كــــــــــــادح ما حاش ثروه وادري اني في خريـــــف العمر ماضي مـــــــــــا بقى بيني وبين القبر خطوه لكن انـــــــــــــــــــي صادق فيما أقوله واطلب مـــــــــن الله عن الزلات عفوه قصيدة عمري يا قصيدة عمـــــري اللي تكتبيني كل يوم حرف مــــــــن نغمة هواك ارحميني بــــــالهوى والا اذبحيني لا تخليني معلق في سمــــــــاك كل ما خذتي عمــــر مني عطيني لحظة من ساعة داخــــــــل حماك الحياة أشوفها والمـــــــــوت فيني واعذاب اللي بغــــــــــــاك ولا لقاك يسهر الليــــــل وقمر طيفك بعيني والشعاع الصبح يوقــــــظ بي رجاك ان حدا حادي تـــــــــولاني حنيني وان عرض طيفك على طرفي بكاك كيف هذا مــــن هوى قلبي يجيني يا أرق النـــــــاس قولي وش دهاك لو تماديت بمــــــــلامي سامحيني كم تماديتي بذبحي مــــــــن طغاك
|
|||||||||||
| #9 | ||||||||||||
|
|
|
|||||||||||
| #10 | ||||||||||||
  
|
|
|||||||||||
| #11 | ||||||||||||
|
|
 نعود لنرى البدر باكتمالهـ في سواد الليل البهيم وشاعرنا (بدر بن عبدالمحسن ) ينر متصفحي بروعه شعرهـ  بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله - . نشأ الأمير بدر بن عبدالمحسن في بيت علم وأدب حيث كان والده الأمير عبدالمحسن بن عبدالعزيز - رحمه الله - محباً للعلم والأدب، كما و انه شاعر مبدع ولديه مكتبة ضخمة تضم العديد من الكتب كما أن مجلس والده - رحمه الله - مليء بالعلماء والأدباء وكبار المفكرين في ذلك الوقت مما كان له الأثر البالغ - بعد الله - في حب الأمير بدر للأدب والشعر درس مراحله الإبتدائية بين المملكة العربية السعودية و مصر، والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية .. كما انه درس في بريطانيا ( لندن ) و في الولايات المتحدة الأمريكية. و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعرأحمد رامي و محمد عبد الوهاب و محمد الموجي وعبد الحليم حافظ و كثيرين غيرهم و في نهاية الستينيات و مطلع السبعينات أصبح سموه رئيسا للجمعية السعودية للثقافة و الفنون حيث اضفى عليها العديد من الأفكار وكان لسموه الأثر الكبير في تطوير هذه الجمعية و الرقي بها أقام سمو الأمير بدر العديد من الأمسيات و كان أولها الأمسية التي اقيمت في نادي الإتحاد بجدة، و تتابعت بعد ذلك الأمسيات واحدة تلو الأخرى و منها على سبيل المثال امسيات سموه في البحرين، الإمارات، الكويت، و العديد من الأمسيات داخل المملكة العربية السعودية غنى له العديد من المطربين، على المستوى المحلي و على المستوى العربي و أبرز من غنى له الفنان طلال مداح، محمد عبده، عبادي الجوهر،عبدالمجيد عبدالله ، عبد الكريم عبد القادر، نجاة الصغيرة، خالد الشيخ، عبد الرب ادريس، عبدالله الرويشد و العديد من الفنانين الاخرين، من أهم الأعمال التي قام بها سموه قيامه بعمل اوبيريتين لمهرجان الجنادرية : - الأول هو اوبريت وقفة حق في مهرجان الجنادرية السابع عام 1412 هـ - 1992 م. - و الثاني هو اوبريت فارس التوحيد في الجنادرية 14، و قد حصل هذا الأوبيريت على جائزة في مهرجان القاهرة للإذاعة و التلفزيون حيث اختير هذا العمل من ضمن أفضل الأعمال، و تميز الأخير بالمزج بين الدراما و الشعر مما أضفى على العمل رونقا خاصا قصائد البدر : الجريده .. ادري وش سر الجريده به أحد .. يقطع وريده .. وينزف أخبارٍ جديده .. وحنا نقراها الصباح .. دنيا مكتوبه فـ ورق .. دنيا من دم .. وعرق .. دنيا مجنونه ارق .. وهم .. انسرق .. إحترق .. المهم كلها أخبارٍ سعيده وحنا نقرلها الصباح .. لو طبعنا .. صفحة ما فيها خبر .. لا حروف .. ولا صور صفحة يملاها البياض .. صفحة تملانا بياض .. ما يعكرها الحبر .. كان ذي الصفحة الوحيدة اللي اقراها الصباح .. في الجريدة انا الجفا قصيدة عن كل نجم ظهر بسدل أجفاني لعل ما عيش حزني لحظة غروبه وعن كل خلٍِ طويل الصمت كفاني الصاحب اللي قليل الهرج عذروبه وعن كل ثوبٍ جديد باالبس أكفاني وأدله ولا ألقى رسايل هم في جيوبه أنا الجفا ليه أخاف الناس تجفاني وأنا الحبيب الذي من يعشق عيوبه راعي الوعد وأن صدق مرة ولاقاني يحتار بين السراب وقلب محبوبه يامن عذابه يشققني ويرفاني فرقاك غصب علي بالحيل مكتوبه خبرت نصف تعب من نصفه الثاني بعضي الرماد وبعضي نار مشبوبه جمرة غضى قصيدة جمرة غضى .. أضمها بكفي أضمها حيل . . أبي الدفا .. لو تحترق كفي وأبي سفر لليل بردان أنا تكفى .. أبي احترق بدفا لعيونك التحنان .. فعيونك المنفى جيتك من الإعصار .. جفني المطر .. والنار جمرة غضى والله الجفا برد .. وقل الوفا برد والموعد المهجور ما ينبت الورد ياحبي المغرور .. ياللي دفاك اشعور رد القمر للنور .. واحلى العمر .. في وعد بردان .. بردان أنا تكفى.. أبي احترق بدفا يا أول الحب .. شفتك أنا مره واهديت لك قلب ورديت لي جمرة ومن يومها كان الرحيل وليل الشتا .. القاسي الطويل وآه يا الحنين لليل باب له حارسين برد وسحاب جفن الليل يطيح جفن الليل واهز كتفه نجمٍ يشع وباقي الليل مطفي واحاكي الجدران عن وصف غرفه ماتشبه الجدران ويطول وصفي وتملني الجدران واظهر لشرفه تحت السما واسكر الباب خلفي ريحٍ تهب وتسكن العظم رجفه وتموت ريح وتسكن اوراق نزفي على الروابي تهطل دموع وطفه وتصب لمع بروقها وسط طرفي ياطاري الغدران والعمر رشفه مع قلها ياليتها يوم تصفي الحب واجد مير الاقدار صلفه والأرض واجد لكن الحلم منفى واللي اعرفه راح ماعاد اعرفه ولاظن يذكرني الى أقبلت مقفي ماهو حبيبي مورد القلب حتفه ولا هو حبيبي يفرح بوقت ضعفي مر ثمر هالليل وأمر قطفه يالحنظل اللي قمت اذوقه بكفي متى الشوارع تجمع اثنين صدفه لا صار شباك المواعيد مجفي يابنت تو الليل ماراح نصفه وياليل بعض اللي مضى منك يكفي وراق الزمن قصيدة ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. جاني قصيد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه فـ بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر .. وطنيات البدر : (اوبريت فارس التوحيد) كان هذا الاوبريت عبارة عن 17 لوحه نذكر منها : الليالي قصـــــة والحروف عيون والحياة مبدأ وسيف وغصن من زيتون وبسمك الله نبدأ والبداية كلمة فجرت هالكون بالضيا و الرحمة بين كاف ونون وتبعتها كلمة ابدعت من طين النبي آدم وعلمته الدين ونزلت كلمة على النبي المختار وسجدت امه للواحد القهار ومابقى كلمة تدعو للاصلاح قالها الائمة في زمان راح وجدد الكلمة محمد وساند الكلمة محمد ونهضت امة محمد امة التوحيد الليالي قصة والزمان بعيد من مية عام مضت ف نجد بالتحديد شع مصباح وزهرة فتحت في البيد زهرة غير الزهور ونور غطى كل نور اول الفجر وظهور البطل عبدالعزيز طراد: ياترف ومفارقك يوجع مدري متى الوقت يدنينا لعين في وداعكم تدمع والحزن يملي محانينا ترفه: ياطراد ليت البكا يدفع عنا الحوادث وينجينا ان كنت حي تبي ترجع وان مت مالله مخلينا طراد: والله ماهمني الترحال ماهمني غير ثنتيني اخاف تتبدل الاحوال ياترف ماعاد تلقيني ترفه: لاترتهق عندنا رجال هذا الذي بين زنديني باكر يجي فارس وخيال ياطراد وتقر به عيني طراد: اواه ياما كبر امالك وياحر قلبي على مشهور ياترف فارسك رجالك طفل وعمره ثمان شهور ترفه: ياطراد مانيب عذالك ولا اقول مخطي ولامعذور بقول لاينشغل بالك بنشوف عقب الظلام النور اوبريت الله البادي الله البادي .. ثم مجد بلادي .. ديرتي .. غيرتي .. حبي اللي في العروق .. جارفٍ .. دافي .. صدوق .. حالفٍ ما أشرب و أذوق .. غير حب بلادي.. و غير عز بلادي.. دارنا ماهي في كل الديار .. شمسها .. تسبق الشمس بنهار .. و أرضها .. تزهر أمجاد و فخر .. أهلها اهل الشيم .. عمروها من عدم .. سطروا فوق العلم .. ( لا إله الا الله ).. الرمل .. عانق السهل الهضاب .. وحدةٍ .. تجمع قلوب و تراب .. شرعها .. حكمة الله في الكتاب .. الله البادي.. اوبريت (وقفة حق ) وتضمن 10 لوحات نذكر منها : للجزيرة .. بردها وسمومها .. للصحاري .. رملها وحزومها .. للجبال .. اللي سقتنى غيومها .. لليالي .. اللي عشقنى نجومها .. للمآذن .. رددت .. الله أكبر .. لكل من كافح في هالصحراء .. وعمر .. للنخيل .. للهديل .. للمواني .. والاصيل .. لكل ما في المملكة .. وطني الجميل .. لك يا ابو تركي غنانا .. والقصيد .. ولـ هل التوحيد .. والفهد .. منا لابو فيصل كثر رمل النفود .. وكثر النجوم وسحبها وابراجها .. سلام .. من قلبٍ وفي بلا حدود .. زيزوم هذي المملكة وسياجها .. يا شيخنا حنا تحت أمرك جنود .. وانت .. إمام الناس وانت سراجها .. انت اللي أعطيت معنى للصمود .. لا شبة القتنة.. عرفت علاجها .. ومنا لابو متعب .. مواثيق وعهود .. ولا ثارت الهيجا .. نخوض امواجها .. والله ما يفرح عدو .. ولا حسود .. ما دام به حيٍ .. بخفض حجاجها .. في ليل ما به قمر .. في ليل ما به نجوم .. ليلٍ مثل قلب الغدر .. وجه الهموم جتنا غيوم ٍ من شمال .. زادت ليالينا ليال .. صار الحزن في كل بيت .. جيش الغزو فـ أرض الكويت .. كيف الاخو يقتل إخوه .. كيف الاخو يشرد اخوه .. اخوانه اللي ساعدوه .. ووقفوا معه .. اوبريت (ذهب الملوك) جيت .. من حر وبراد.. جيت من جوع وظمى .. جيت من فتح وجهاد .. جيت من ازكى دمى .. وعاظني رب العباد .. عاظني خير ونما .. واجتمع سيف وحصا .. انما كيف اقول انك بلاد .. وانت يا ارضي سما .. عشرين عامٍ للفهد .. عشرين مجدٍ للوطن .. كفٍ بنت هذي البلد .. وكف ابعدت عنها المحن .. عشرين عامٍ كلها .. إصرار وأعمار وعمل .. المملكة في ظلها .. يضرب بها أجمل مثل .. يا مشعل العلم .. بددت الظلام .. يا موطد الأمن .. باطراف الحسام .. ياخادم البيت .. ياالملك الإمام .. إنت في الماضي عظيم .. وإنت في الحاضر عظيم ... ومال هالبلد العظيم .. وإنت في الحاضر عظيم ... ومال هالبلد العظيم .. إلا أمثالك .. كلها شهم وكريم .. وكلها أمثالك ..
|
|||||||||||
| #12 | ||||||||||
  
|
مووضووع رائع وجمييل ربي يعطييك الف عآآفيه لاعدمنآآك
|
|||||||||
| #13 | ||||||||||||
 
|
يعطيك العافية علي الطرح
|
|||||||||||
 |
|
|
العرض العادي
