يا غير مسجل هل الصدقة بالفلوس فقط ......تعال/ي وشوف/ي

 

يا غير مسجل هل الصدقة بالفلوس فقط ......تعال/ي وشوف/ي

ياام صهيب هل الصدقة بالفلوس فقط ......تعال/ي وشوف/ي




حابه اتكلم معاكم اليوم عن هالموضوع ( الصدقة )
كثير منا على بالهم ان الصدقة ماتكون الا بدفع مبااااالغ من المال بس
وكثير منا بعد يعرفون ان هذا شي مو صحيح
ويعرفون ان في اشياء كثيرة تعتبر صدقه لهم غير الفلوس
بس ماتحضرهم افكار او مايعرفون
ما هي الاشياء اللي ممكن تعتبر لهم فيها صدقه

وبعضنا ماعنده راتب شهري
او غير موظف ومايقدر يطلع مبلغ صدقة

علشان كدا حبيت اسوي هاالموضوع
واطرح فيه افكار للصدقات
الكل يقدريستفيد منها




والان نبدأ بالأفكار
ورجاءا منكم اخوتي/اخواتي

اي واحد/ة عنده/ا فكره يضيفها/تضيفها لنا وله/ا الاجر:-

1-اذا عندك اي شي زايد بالبيت ومو محتاجته
(ملابس-كتب-الكترونيات-العاب-مواعين-شنط-وغيرها )
على طوووووووول اتصلي بالجمعيات الخيريه


2-اذا كان عندج حساب وعندج بطاقة بنك تقدرين تتبرع/ين الكترونيا
وانت قاااااااااعد/ة في ببيتك بدون اي تعب وعناء
والاااااااا تختار/ين المشروع اللي تبينه من كفالة يتيم وغيره وغيره
ومن شركات مضمونه





3-اذا كنت بعرس او حفلة او مناسبة وزاد عندكم الاكل دق/ي ع اللجان الخيرية
او نصح/ي اهل العرس وقول/ي لهم انا اعرف رقم اللجان اللي يجوا على طول
وياخذونه ويوزعونه ع المساكين والاسر المتعففه
ولك ولهم الاجر ان شاء الله


4- صفي النية واقتنع/ي ان مافي احد يمد يده امام الناس وهو مو محتاج ..
فاذا طلعت السوق وشفت امراة تطلبك عطها/يها لو ربع دينار
لو خرده زايده عندك
لان الصدقة مو بالمبلغ بل بالنية والاعمال بالنيات
يعني حتى لو كانت هي كذابه يكون عملك وصل لربك
لانك عملت بنيتك ونويتيها صدقة



5- الكلمة الطيبة يا اخي/تي صدقة قول/ي
(شكرا-عفوا-جزاج الله خير-حياج الله-اختي.....)
كل هالتعامل الطيب يكون لج صدقة


6-الابتسامة في وجه الناس صدقة
فحاول/ي اذا لاقيت الناس تكون/ين بشوش/ة علشان الناس تحبك وتذكرك بالخير





7-الباقيات الصالحات المذكورات في القران الكريم
كل واحدة منهم صدقة فاكثري قولها وهم
( سبحان الله - الحمدلله - لا اله الا الله - الله اكبر )


8-شغلك ببيتك وتربية عيالك تربية صالحة
وانصحيهم بعمل الخير والصلاة والصيام
وابعادهم عن المعاصي وتدبر امور بيتك ورجلك تعتبر صدقة..
مانقول خلي شغلك واقعدي بالبيت
لكن حاولي اذا رجعت تستغلين وقتك مع عيالك بشي مفيد






9- الصبح لما تطلع/ين دوامك او تقعد/ين الضحى تفطر/ي
افتح/ي باب الشارع وشوف/ي عمال النظافة
اللي احنا بدونهم جان امراض الدنيا فينا
ينظفون بهاالبرد ..
لاتقول/ين نصابين ومافيهم صدقة.
.صفوا النيه اخوتي/اخواتي
وانت اذا اعطيت شي تعطينه لربك وليس لخلقه.

.اعطيهم من اكلك خبز او تمرة او حليب دافي او عصير
فكل ريق تبلينه لك فيه صدقة


10-اذا طلعت للسوق حط/ي بجيبك/بجقيبتك حلويات ومصاص وشوكولاتة
واذا لقيت الحريم اللي يشحتوا بالشارع ومعاهم اطفال اعطيهم من هاالحلويات
شووووووووووفي كيف تونسينهم شي مو طبيعي





11-اذا رحت دوامج الصبح مر/ي اي مطعم
وخذ/ي فطاير فلافل ب 100 فلس ووزع/يها ع الخدم /الفراشات هناك
وقول/ي عساها دفعة بلاء عني وعن اهلي


12-حط/ي لعيالج بالبيت حصالة وقول/ي لهم هذي بنخصصهااااا للصدقه ياعيالي
علشان الله يدفع عننا البلاءوعلميهم بهالطريقه فضل الصدقه
وقول/ي لهم اي خرده زايده من المطعم او شي بنحطها اهني
وروح/ي انت وياهم وحط/يها بصندوق الصدقات

التعليم في الصغر كالنقش عالحجر




هذي افكار بسيطة
وان شاء الله اذا طرى على بالي شي ثاني راح اقول لكم


طبعا هذا غير عن الاشياء اللي تحتاج مبالغ كبيره ونعرفها
مثل حفر الابار وبرادات المياه




أعجبني فنقلته لكم بتصرف بسيط
يارب يعجبكم

	"عظيم الهمة لا يقنع بملأ وقته بالطاعات، إنما يجتهد على ألاَّ تموت حسناته بموته ! ..أسأل الله أن يجعلنا من هؤلاء"

المصدر: منتدى الخليج