الاخطاء الطبيبة من يتحلمها!؟

 

الاخطاء الطبيبة من يتحلمها!؟

الكل يعرف اننا في زمن كثرة الامراض والعمليات وفلان دخل مستشفى فلان طلع من مستشفى ونسمع عن الاخطاء الطبية شبه يوميا في الصحف او الاعلام الى متى وحنا بنسمع عن هـ الاخطاء الطبية وش سببها هل قلت الخبرة ام الى الان ماابحرنا في عالم الطب ؟ مستشفيتنا الحكومية في هـ الوقت تعاني من قلة مجهود الادارة او العاملين والحكومة ماقصرت في الدعم والمجهودات اللي نشوفها ومانقدر ننكرها الحكومة انققت الملايين على وزارة الصحة كل سنة يزيد الدعم اكثر واكثر وماشفنا شي صراحه جديد بل شفنا حالة تدهور في المستشفى الحكومي , و هذا شي بديهي إن هالشي في بطون المسؤولين من وزير إلى وزير اخر لان البعض الامانه معدومة عندة وضميره ميت ولاقين راحتهم على الاخر بدون مراقبه فشي طبيعي اللي يصير من إهمال وزرف وعدم تطور وكلكم سمعتوا قبل فترة ان لجنه الفساد مسكت قضيه سرق من مخازن المستشفى وين الامانه وين الخوف من الله وكم مريض يحتاج لهذا الادويه وانت تاخذها بدون اي حق وفوقها سرقه ! في احد المجلات الامريكية المشهورة " Elle USA " ان ماخاب ضني اجرت دراسات وابحاث ووجدت نسبة 40 % من الدكاتره لايحملون شهادة الدكتوراه بل يتحصلون عليها بمقابل مالي " من السودان وغيرها " ويمكن عندنا في السعوديه مسكوا دكاترة كثيرين مزورين شهادات وهذا اللي طلع على الساحه العامه ويما ماخلف الكواليس اشياء عظيمه مانعرفها , وش ذنبنا حنا نجي نعالج ونتفاجى انهم ناسين [ مقص , شاش , ابره ] داخل بطونا واخر شي انتقل الى رحمة الله ونروح ندور الدكتور عفوا [ السباك ] يقلون سافر على بلدة وين الرقابة مع زي هـ الاشكال ؟! وكل من دخل مستشفى ماطلع بخير ونسبة متوسطة اللي يطلعون بخير وعافية اما الباقين تدهور حالتة في المستشفى اكثر واكثر [ مدري وش السبب ] ؟ متى بنشوف مستشفيتنا متطورة مثل الغرب امكانيات و دكاترة مثل الناس ورقابة والمستشفيات الحكومية الحقيقه صارت الان دمار لاخدمة زي العالم ولا شي حتى في مستشفى حكومي كبير شخص يشتغل فية في قسم الضماد يقول ان ادارة المستشفى تقول لنا قللوا من استعمال القفازات يعني يجيك يعالج واحد بعدين يعالجك بنفس القفازات وهذا المستشفى مكتوب عند بوابته " كل نفس ذائقه الموت " لا احد يجي ويقول قل الدعم صراحة الدعم موجود بس حركات نصف كم خذ من تحت الى تحت عاد وتصدقون الحين المستشفيات صارت لازم معك فتامين واو [ يعني واسطة للي مايعرفها ويحصل سرير ب الساهل ] بدونها كل هواء ورح دور لك واسطة في المقبرة هذا الحقيقة وماجبت شي من عندي ونشوفها في الاذاعات ولكم في برنامج " الناس للناس " اكبر دليل ! المستشفيات الاهلية افضل بمراحل من الحكومية واللي مايقدر على الاهلي وش يسوي ؟ بعض الناس يقولون انهم يعطون في المريض اكثر من مرض عشان يكسبون من وراها فلوس هذا النظرية تطبق في المستوصفات وليس في المستشفيات هذا اللي انا الحظة وفية مستشفيات اهلية عليها زحمة اكثر من الحكومية لو تبغى غرفة ماتلقى فيها لانهم يقدمون لك الراحة التامة ودكاترة مثل الناس انا الحمد لله معي تامين والله لايحدني على المستشفيات الحكوميه ولا المستشفيات الاهليه الفاشله واللي تزرفك عيني عينك والمواطن مسكين مضطر انه يدفع عاد أنت حظك ونصيبك أحيان تجيك مستشفيات تخاف الله بالناس وفيه بعضها ماتشوف الا الدراهم وانت بقريح اهم شي مخباك ! اللهم اشفي مرضانا ومرضى المسلمين واجعلهم في تمام الصحة والعافية واجبر بخاطرهم لو بنتكلم عن الاخطاء الطبية مانب خالصين لان من جد مازلنا نعاني ومازلنا نخاف يكون خطا طبي سبب فقدان احد من احبابنا وبصراحة المعاملة لها دور كبير في العلاج موب تدخل على دكتور نفسة في خشمة وتتعب نفسيتك اكثر ومازالو بعض الدكاترة ناقصين الوعي وبعضهم يدخل غرفه العمليات وهو ناقص الخبرة الكافيه والبعض الاخير تلهيه امور اخرى ويسوي مشكله في هذا الانسان الذي يدعي ربه بالشفاء ويتفاجى ب اشياء اعظم من قبل بسبب دكتور غير واعي او اشغلته امور الحياة !

المصدر: منتدى الخليج