أخطيت للشاعر حمد السعيد

 

أخطيت للشاعر حمد السعيد

هذا شهر ماأشوف للوصل نيه ..

هم كانو أسبوعين لكن تماديت ..
في غيبتك كنك موصى وصيه ..

لعبت بأعصابي ولاقلت مليت ..
لاراح يوم أقول باكر مجيه ..

الله ياني في غيابك تحريت ..
أثر المفارق صعب ماهو شويه ..

عقبك مشايري من البيت للبيت ..
أخاف لادقيت ماني هنيه ..

عانيت أنا في غيبتك حيل عانيت ..
يابغضني للبعد لارحم حيه ..

هذا شهر وش عاد لو إنك أبطيت ..
والله لاتلقى لك هنيه ضحيه ..

البارحه مابين يمكن وياليت ..
وأبليس يتركني ويرجع عليه ..

فكرت لو طول غيابك ولا جيت ..
يعني كذا روحه ومن غير جيه ..

خانتني الدمعه وطاحت وصديت ..
ملعون أبو التفكير يذبح خويه ..

المصدر: منتدى الخليج