- بيتزا وفطائر

 

- بيتزا وفطائر

	مقادير العجينه نص كاس زيت 3-4 م ك حليب بودره 1 م ك خميره فوريه 1 فنجال قهوه سكر 1 م ص ملح كاس و نص ماء يبقى الدقيق انا مكتوب عندي 3 كاسات لكن بالامانه انا ما اقدر لدقيق فلذلك بعد ما اخلط كل الي فوق ابد اضيف الدقيق تدريجيا الى يصير عندي قوام عجينه فطاير ممتازه و حطينا المقادير و حركناها و طبعا توصل لقوام يسهل علينا كلنا اننا نتاكد من كل شي تجانس و نتاكد ان كل السكر ذاب و خلصنا العجينه نغطيها لمده ربع ساعه تقريبا و غالبا انا احب اسوي هالحركه اني اولع الفرن الكهربائي من فوق الين يحتر و اخلي العجينه فوقه و هنا خلاص راح نبدأ نشتغل فيها و نبدا نعمل الفطاير عشان الفطاير نحتاج الى مفرده و سكين و هذاك الشي حق السمبوسه و الحشوه زي ما تبغون وانا اخترت جبنه مالحه ناخذ قطعه من العجينه و نفردها نصها نسويه بالسكن او حقت السمبوسه زي ما انا مسويه و مو لازم نسويها مثلثه العجينه عادي و نحط الحشوه و نلفها و نحطها بالفرن و هذي النتيجه البيتزا عفش البيتزا ( كشنه و فلفل رومي و زيتون اسود و الجبنه و العجينه ) البيتزا الملفوفه فكرتها تشبه فكرة السنيبون بس للامانه كمان اني ما احس عطيتها وقتي بذمه و ضمير لذلك احس لو اشتغلت عليها اكثر ممكن تطلع احلى ولا تتعبني لان اللف تعبني و تقططيعها اكثر :/ نجيب العجينه ع قد الي نحتاج نفرش العجينه و نفردها زين نحط الكشنه و نبدا نلفها و نقطعها و نصفها في صينيه الفرن و نحط عليها الزيتون و الفلفل الرومي و الجبنه البيتزا العاديه امي الله يخليها لي من النوع الي تحب البيتزا رقيقه و مافي اوسع من الصاج عندنا ابد جبته و حطيت العجينه و الكشنه نص فلفل رومي و نص لاء لان اخوي ما يحب الفلفل الرومي

المصدر: منتدى الخليج