سجل حضورك اليومي ببيت شعر

 

فـ عيني تغيب الشمس .. وتشرق افـ عيني
في ناظري للشمس .. موتٍ وميلاد
لليل في دمعي سنا .. نجمتين
وللصبح في جفني شفق هم وسهاد
كن السهر دربٍ عليه ابـ تجين
ولا ودي أقطع درب لاماك برقاد
ياللي جميع الناس بينك وبيني
وكل لحظة أنا نتظر منك ميعاد
عذري لياسي منك .. إنك تبيني
خنت الرجا.. وان صنت لي عهد ووداد
ولمصافحك ربي خلق لي يميني
أمدها لك وصل وأمدها بعاد

المصدر: منتدى الخليج

 انتبهت لدمعها بالهدب..والكحل سال..
لين جفت عينها دمع..والقاع ارتوى..
وابتدت لحظة جفا..وانتهت لحظة وصال..
وانطفا نور السعاده..واحسب انه ضوى..
ماكتفيت من الهوا والغرام..اربع ليال..
واقفت ايام التلاقي..وجا وقت النوى..
كنت ابسلى وابتسم..والتفت عنها شمال..
لاقويت الصد عنها..ولاقلبي قوى..

 انا مــثل النجــــوم العاليه ماطالها نصـــاب ..
وانا مثـل الجبـــال الراسـيه تثـبت مبانيـها
وانا بنت الأصـول ومنسبي من طيب الأنساب
ومن يفـــكر بحفـــرة خـبث حتماً بدفــنه فيها

 
لا تحسب الجفن من دمعه عقيم
يستحي منك واذا اقفيت انثره

لا يغرك لو بدا جسمي سليم
والله ان جسمي سوار المقبره

والله ان أحر من دمع اليتيم
دمعة الرجال من فرقى مره

 ما خدمك الحب والخافي انكشف
صدق على النيات قالوا ترزقون
شفت ربك كيف جابتني الصدف
غافل وشفتك انا بعيني تخون
خنتني مبروك يعني شختلف
هذي الدنيا وهذا الكون كون
تحسب ان قلبي من الصدمه وقف
ما تأثر بس عرفتك من تكون
يعلم الله معيشك عيشة يكون
كل ما تامر وتتمنى يكون
ماحد كثري عليك انت عطف
كنت طفل وكنت لك صدر حنون

 لا ضاق صدري يصير الوسع بلساني يضيع عقلي وأروح أجرح بلا سبّـه

ياكم مرّه جرحـت إنسـان بلعانـي
مع إني آحنه مـن الجـرح وآحبّـه

 ليتي يا هـــلي داله وســــالي

ليت قلبــــي ما تولع بمظنـــونه

لا هو بولد عمـــ ولا هــو ولد خالي

وش الســواة يوم ربي بلانــي به