أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
 |
| #1 | |||||||||||||
  
|
مدخل يارب تهديني قبل لحظة الفوت وتغفر ذنوبي ياكريم العطايا اشكيك هم داخل الصدر مكبوت وأيامي اللي بالخطايا ملايا أنلاذ بك من كان طايع ومبخوت في من يلوذ المرتكب للخطايا رحماك لامنا صحينا من الموت وإليا وقفنا عند بابك عرايا ....:يآربي احس حالي مخنوق! * : شفيك؟ ....: مادري .. احس إني متضآيق مره * : طيب من ايش ؟ .......... : مادري مافيه سبب * : وش مافي سبب ! اجل تدري اكيد جايتك عين.. توني سامعه عن شيخ يمدحون قرايته على المعيونين <مسوي روحه فاهم الحين من منا ماقد سمع هالحوار قبل كذا ..! او حتى في بعضنا قد عاش الوضع ..؟ كثير مننا عايش هالحاله ومرينا فيها فترات! طيب ماقد فكرتوا ليه؟أو وش السبب؟ اغلبكم بيجاوب: مافي اسباب. وانا أولكم! بس حاولت ادور اي مسبب لهالضيقه المفاجئة اللي تجينا واللي في نظرنا انها من غير اسباب لاحظت اشياء كثيره احنا غارقين فيها لين صرنا نحسها عادي . من ضمن هالاشياء وهي اللي رآح احكي عنها بهالموضوع . الاغاني مزاميرالشياطين قال عليه الصلاة والسلام ( ليكونن من أمتي أقوام يستحلون الحر والحرير و الخمر و المعازف ) / انتم زيي ؟؟ تحسون ان تعلق الناس للاغاني بهالفتره مو نفس تعلقهم فيها قبل كم سنة؟؟ / * تلقون الواحد اول مايشغل جهـآزهـ اول شي يسويه يروح لمجلدات الاغاني.! * يدخل النت ع طول يدخل ع المفضله يفتح مواقع الاغاني.! لا واذا عجبتنا اغنية ..! : فلان سمعت اغنية المطرب الفلاني؟ اللي نزلت بالبومه الجديد؟ :لا ماسمعتها..زين علمتني توني ادري انه نزل البومه :اجل خذي اللنك اسمعه يالمفهي وعطني رايك فيها < اللي يشوفه يقول هو مغنيها يوم انه يحرص كل هالحرص انها ياخذ رايه * نغمات الجوال *نغمه انتظار الرد"صدى" الاغاني ماشيه و تدهر والملك يحسب فوق ما اننا احنا نسمعها قاعدين نسمّع غيرنا زيادة ع ذنوبنا قاعدين نكسب ذنوب الخلق! لا ونجاهر فيها والرسول صلى الله عليه وسلم قال [كل أمتي معافى الا المجاهرون] واحنا بالسياره بالجامعه السماعات ع اعلى شي اغاني! / ماحد منا مايعرف حكم سماع الاغاني !! صح ولا أحد ينكر تحريمها! بس احنا غفلنا عن هالشي! او نقول تغافلنا وتساهينا عن الموضوع! طيب صح تناسينا حكمها! معقوله نسينا عقاب سامعها بعد؟ رصاص مصهور يصب بالاذن! / خلونا نتخيل شوي! لو احد منا نقط عليه نقطه من صمغ المسدس الحار وش بيسوي؟ بيقوم الدنيا ولا يقعدها.! طيب نتخيل هالمره شي اشد لو انكب عليك مويه مغليه او شاهي حار وش بيصير؟ استنفار كامل فما بالك بـ رصاص مصهور يغلي من حرارته ينصب داخل اذنك / تلقون كل واحد منكم لمس اذنه بمجرد انك[تخيلت] الموقف / طيب ليه نسمعها ؟ ناقصين ذنوب وآثام؟ ولا متساهلين العقاب لهالدرجه؟ وعشان ايش عشان ساعه ولا ساعتين اسمع بها كم اغنية تضيق خلقي وتغضب علي ربي ربــّي يالله سبحانك انعمت علينا بـ نِعَم ما تحصى وفوق هذا قاعدين نستغل هالنعم عشان نعصيك السمع نعمه مايحس فيها الا اللي فقدها قاعدين نستغله بغضبك يارب / طيب ويننا عن القرآن نقرآه..لا الحمدلله كويس مازال فينا خير بس للاسف ماعرفنا انه مايجتمع القرآن والاغاني في قلب واحد كلآم الله سبحانه وكلآم الشياطين مستحيل تجتمع بمكان واحد "حب القرآن وحب الغناء في القلب لايجتمعان / طيب فيه منكم بيقولون..! لو تركت الاغاني ,، اللي حولي يسمعونها وراح اتأثر فيهم وأرجع راح اقولكم الانسان في هالدنيا شي من اثنين: يآ إما تتأثر بالناس ..! او تؤثر فيهم .. ليه امشي ع كيفهم وامشي معهم ع الغلط ؟ ليش ماتكون الثاني .. تؤثر فيهم ..! وفوق هذا تعلن لهم قرآرك ..! وراح تكبر بعيونهم ..! حتى لو حكوا فيك من داخل انفسهم راح يعترفون انك انت اقوى منهم ..! ليه هم اللي ع غلط يكابرون ويجاهرون وحنا الصح نستحي ونخجل الحق معنا .. احنا الصح.. واذا فيه احد مفروض يستحي فهو : هم ..! / / عندنا البديل ..! الحمد لله الاناشيد موجوده و متوفره بشكل كبير..! بكل مكان بالنت .. بالتسجيلات كاسيت وسي دي .. بقنوات التلفزيون حتى ..! كنا نقول ماتجذبنا الكلمات الفصحى وطلعت اناشيد باللهجه العاميه وانتشرت بعنف ..! / / اتركوا الاغاني ...! اتركوا عنكم الهم و الضيقه..! لاتقولون مانقدر..! بالإصرار و إخلاص العزيمة انك تتركها عشان رضا الله  ..! صدقوني بتقدرون ..! احنا اقوى من الشيطان و إقناعه لنا باننا مانقدر ..! ابعدوا كل شي يساعدكم انكم تسمعونها ..! الآي بود -الجوال- اللاب توب طهروها من الاغاني ..! ولو حسيتوا انكم ماتقدرون تستغون عنها مره وحده خذوها بالتدريج زي حالتي اول حذفت النغمات لاني ماني ناقص ذنوب غيري بعدها شلت اللي بالجوال عشان ماتثقل ع الجهاز بعدها جت من ربي و ضاع الايبود و قمت حذفت كل اللي بالاب توب.! وآخر شي حتى المواقع اللي بالمفضله حذفتها ولما قعدت حوالي شهر من حذف المواقع لقيت الايبود و ع طول سويت له تهيئه وعبيته من الاناشيد اللي ماليه مجلدات اللاب توب تجربتي بعد تركي الاغاني سبحان الله اول شي واهم شي * الضيقه اللي كنت احس فيها - طبعا بدون ظروف تمر فيني - زالت ولله الحمد * صارت ماتهمني الاغاني ابد بالعكس حتى اني اتكهرب منها لما اسمعها كـ نغمه جوال احد او لما تجي ع التلفزيون ومن غير شعور القاني اكتم الصوت بعد ماكنت اول مااهتم اني اكتمه * صرت اناقش و انقد المبادئ اللي ماتعجبني وخاصه لما تكون شي في الدين من بعد ما كنت اطنش واقول بالطقاق خلونا نقرب من ربنا نتوب ونطلب عفوه ومغفرته ونفكر بحالنا ونطلب جنته تقربوا من الله وبتلقونه قريب ولاتنسوني من دعائكم إن اصبت في شي فـ،من الله وإن اخطئت فـ،من نفسي والشيطان •مخرج • حياتك لا تمللها من ذنوب تضللها لأجل هذا ياباغي الراي على الطاعات بدلها بدلها على الايمان بدلها على الاحسان قبل وقت لا ينفع ندم ومعانق الاحزان بدلها ولا تسلى وفرحه خافقك أولى بدلها وشد الحيل وشوف الدنيا كم تحلى .......... يارب الكل يستفيد تحياتي محبكم نوااااااااف المصدر: منتدى الخليج
|
||||||||||||
| #2 | |||||||||||||
  
|
فعلا اذا ما أثرت راح تتأثر جزاك الله خير نواف على الطرح
|
||||||||||||
| #3 | |||||||||||||
|
|
|
||||||||||||
| #4 | |||||||||||||
  
|
ويعطيك الف عاافيه..
|
||||||||||||
| #5 | |||||||||||||
 
|
الحمد لله خف سماعي للاغاني 80% نادرا ما اسمع والله يتوب علي و على الجميع وان شاء الله نتركها نهائياً تسلم اخوي على الطرح القيم و المميز يعطيك الف عافية ارق التحايآ
|
||||||||||||
| #6 | |||||||||||||
 
|
شكرآ ع الطرح الرائع ويعطيك الف عافية
|
||||||||||||
| #7 | |||||||||||||
|
|
همسه غلااا
|
||||||||||||
|
|
|
العرض العادي
