أنت غير مسجل في منتدى الخليج . للتسجيل الرجاء إضغط هنـا
| #78 | ||||||||||||
  
|
خالد وغلا كانو واقفين عند باب الشاليه ،، غلا قطت غشوتها وهي مرفعه حواجبها من أشعة الشمس .. خالد كان يخشخش فمخباه يدور المفاتيـح ,, لقاهمـــــــــــ ،، خالد : بريلـج اليميـن غلا : ههههههههههههه خالد : يلا عشان يتبارك المكـان دخلت غلا وقعدت على الكرسي وخالد نزل الشنطه ،، غلا كانت ماعطته ظهرها وتفصخ عباتها وهي قاعده .. حطهم خالد عند باب الغرفه وراح حذا غلا قط غترته خالد : اففف ليش الشمس نازله جذي غلا : ههههههه تبي تشوووفك خالد يكلمها بغرور بس باسلوب يذبح : صج عااد ! غلا مااتت منه وماردت عليه ظحكت وخدودها حممممممر ،، خالد : بس الشمس ! غلا ظحكت وهي خلاص حست انها تغوص فجسمها من الفشله .. خالد : اههههه شوي شوي غلا : بس خااااااالد خالد : عيووووووون خلود انتييي دخل خالد وغلا شافو الدار وارتاحو لهم ساعه من الطريق ،، قامو على العصر صلى خالد ولقى غلا حاطه الغـدا وكان يووعان من قلبـــــــــــــــــــــــه .. غلا : مايعت !! خالد بلؤم : اوف من قلبي غلا : هههههه زين يلا اقعد خالد : انشالله يامدام غلا تتخصر :افففففف ردينا خالد : اففففف ردينا غلا : خااااااااالد عاد خالد : انزييين ياعمررررررري انتي خلاص قعدي قعدت غلا مع خالد يتغدون وخالد يسولف لها بس بطريقه تظحك وغلا تحس اللقمه ماتقدر تكملها من الظحك .. دخلت غلا ولبست برمودا جينز وتيشرت أبيض عليه كرزتين بالفولك الاحمر وربطت شعرها ربطه رفيعه شوي كحلت عينها خفيـــف وحطت قلوس لمعه بس طلع جمالها طبيعـــــي حيــــــــــــل ولبست خلخال ناعم قلبين واحد فصوصه شفافه والقلب الثاني أحمر ،، خالد لبس بعد برمودا بس لين ركبته هم جينز وتيشيرب ابيض خفيــــف ولبس نظارتــه .. تعطرت غلا وطلعت شافت خالد بالصاله متسند على الطوفه على جنب ويدخن مرت عليه غلا بكل هدوء وجاذبيه وجرت زقارته وصبت عليها ماي وفالزباله خالد ( يـــــــهههههههههههههههههههههههه ) غلا طلعت برا وخالد لحقها خالد يشوفها ( يحليلهااا والله هذي مال سباحه واقطها فالبحر ههههه فديت عمرهااا ) خالد : تعالي غلوي غلا تتخصر : غلوي هاااا ! خالد : ههههههههه غلاا خالد انتي ادلعج غلا : مابي دلعك خالد : افاااااااااا ماتبين دلعي خلاص انا قررت اركب فوق البيت واقط روحي غلا تناحسه : صج وناسه بروح وياك عيل خالد راح لها وشالها ودورها فالهوا وقعدو على الارض بقوووه خالد : تنتحرين هاااااااااا ، عشان اذبحج غلا ماتت ظحك وهي تناهت دورها بقوه جنونيه : شدعوى لا انتحرت بتم فيني روح عشان تذبحها خالد : آآخ وانا الحي شقول ، ذبحتيني وانتي روحي احبججججججج غلا ماردت عليه وشالت شعرها اللي طيره الهوا من عليها خالد : ماتبين تعرفين شنو هي المفاجأه ؟؟ غلا: اكيييييييييييد ابي متحرقصه بسمعها خالد : افا عليج من هالعين قبل هالعين بـس قبل غلا : أي خالد : ههههه ابي عربون غلا : ههههههه صج لها عربون بعد خالد : والله هو كاش مانقبل شيكات بس عشانج يلا غلا : ههههه خااااالد خالد : لوسمحتيييي ، محد ويانا تكفين ليش بخيله علي ( ينزل راسه ) خلاص ماجبرج غلا ( واي يحلاتك ) : لاتزعل عاد خالد وهو يمثل عدل يرفع عينه وهي تلمع : مازعلت حبيبتي غلا تبوس خده وتصاصره : انت حبيبــــي ،،، خالد : اوووش دام السالفه فبالي خل اقولها قبل لاتطير غلا : ههههههه قول خالد : شوفي حياتـي ،، بس نرد الدوحه انشالله عندج اسبوع واحد بــــــــس تتجهزين عشان تنزلين وتنورين بيتج الجديد غلا: صـج!! خالد : صج الصج ، وبيت بعيد عن بيتا بس مو وايد غلا : وين وشلون وعمي شقال؟؟ خالد : شوفي عمري ، رفيجي باني بيتين بس بمناطق غير والبيت يعني مو كبير حيل ولا صغير حيـل يعني يناسبنا والبيت فخم من داخل وسيـع ، سعره كان مناسب شريته بس عشان اشوف ظحكتج الحلوووه هذي ،، وبيتنا هذا انشالله يدبرونها يسوونه مجلس مطار مطعم قهوه اللي يبونه ،، وبعدها جان ماعجبج البيت انا ابني لج واحد وعلى نظرج انتي وباللي تبينه .. غلا كلمات خالد وايد فرحتها حست ان في حد صج يحبها يدور وناستها ،، وهي شكثر سخيفه وتافهه لما كانت تفكر باخوه خلاص عمر لازم انساه وبالي يصير لك انت بس خالد : ها شقلتي؟؟؟ غلا : شقلت .. ! خالد : أي شقلتي غلا : أ حــــ ــــبـــ ـــك خالد : تكفييييين ، احلم انا ! غلا : هههه لا والله خالد ، انا يمكن قبل كنت مادري شلون مشاعري ملخبطه من يومين قصدي وانت شفت وعرفت ،، سامحنـي على اللي طلع مني ، وصدقني ياخالد انا حاولت وايد اتغاضى عن تعامل امك معاي بس ماقدر احس اني ماقدر اتنفس ، انا وامك صعب نتوالف مع بعض هي تفكيرها غيــر وانا غيـر عنها حيــــــــــــــــــــــل .. خالد : بدون ماتقولين غلا ، انا عارف .. خلاص كل اللي صار انسيه وانتي مثل ماصبرتي طول هالشهور اللي طافت صبري لج اسبوع بعد وصدقيني انا بعوضـج عن كـل شــــــــــــــــــي .. غلا نزلت راسها من كلام خالد خالد : اتفقنا؟؟؟ غلا تهز راسها .. خالد : بسسس ماتفقنا على ذي غلا رفعت راسها : شنو؟؟؟ خالد شالها بكل قوته ودخلها البحر وهي تصارخ ومتعلقه فيه غلاا : لاا خاااااااااااااااالد تكفــــــــــــــى خالد : هاهاهاهاهاهاااااااااااااااااااااااااااااااااا ااااا ااا غلا : الله يخليييييييييييييييييييييييييييييييييييييييييي يك. خالد وغلا متشبصه فيه : شرايج ندخل فالغزيرر؟ غلا تصررررخ : لاااااااااااااااااااااااااااااااااااااااااااا ااا خالد عورت قلبه وهي تصرخ وحطها على السيف وهو متبلل كله غلا : جذي تسوي فيني الله يسامحك خالد : ههه يحليلج غلوي خوافه غلا : يالشجاع خالد : خل يطلع لي حوت بس اراويج غلا : ههههههه بسم الله . خالد خذ شوي ماي وجر تيشيرتها من ورا وصبه غلا صرخت : افففف خاااااااااااااااااااااااااااااااااااااااااااا ااااا االد خالد : افففف خاااااااااالد غلا خذت ماي ورشت عليه خالد دخل فحلجه : وعععععععععع مالحححححححححححححححححححح احححح غلا تظحك : ههههههههه تستااااااااااااااهل شالها خالد وركض فيها بقو لداخل البيت وكانت المسافه كبيره تعب من الركض غلا : يووويلك ان قربت منييييييي خالد : هاهاهههااااا كيف كيفي والله غلا : واااااي افففف خالد : واااااي افففف غلا : بسسسس خالد : بسسسس دخلت غلا وقفلت الباب وقعد خالد بخياسه على الكرسي ماي البحر ورمل غلا تسبحت بسرعـه وشافت الوقت ظلـم طلعت وانسدحت لان حست انها تعبت شوي ،، خالد يطق : غلا فتحي ترا بتسبح فالمطبـخ غلا : ههههههههههه دقيقه بس غلا لبست وبدلت لبست روب حرير جنااااااااااااان لونه عنابي ونشفت شعرها عدلت شكلها وتعطرت .. فتحت الباب خالد انسطل : ..... غلا : شموقفك ادخل ( وهي تمشط شعرها ) خالد ( .. ) : ا،،، انزين غلا : هههههه خالد : أي ظحكي غلا : يه خالد حس حد كفخه شنو بنت عمه الصغييييييييييييييييره تجنن !! دخل وتسبح ريله يحس تحككككككه من ملح البحر .. غلا لبست فستان ناعـــــم يصلح للبحر لونه اسود ومن الشيفون الخفيييف وعليه ورود حمـر ومعاه شاله نشفت شعرها ومشطته كحلت عينها وحطت قلوس .. غلا فضلت انها تمشي حافيه ماتحب على البحر تلبس شي لا صندل ولا نعال وانتوا بكرامه ،، طلع خالد وشافها : ياسلااام ، ماقدر انا على الكااشخين غلا : ههه بدينا طنازه خالد : اموووووووووووووووت فالاحمر انا ، ااخ ، ياويييل ويلي غلا ماردت عليه بس تطالعه ،،، خالد لبس بنطلون بصراحه ماعرف شسم خلقه بس يلبسونه الشباب للبحر وتيشيرب كحلي حد رقبته اصفر ،، ترس عمره عطر يعني عشان غلا تشمه خخخخ رن تليفون غلا ردت غلا : هلا يبـا ، هلا حبيبـــــــــــي خالد يضرب المخده : افين سعد ورانا ورانا قعدت غلا تكلمه وخالد طلع بره يبي يستغل الفرصه ولع زقاره وشربها غلا ماطولت مع عمها وطلعت شافت خالد يدخن ويغني .. ليلة خميس طرز بها نور القمر شط البحر ،، نص الشهر .. والليل من فرحه عنيد .. ليلة لقانا موعد الساعه ثمــان كان الندى موعود مع رمش الزهر هو الزهر سهران ابصر بالحنان ليل اللقا -====================-
|
|||||||||||
| #79 | ||||||||||||
|
|
خالد تصرقع وبسرعه قط الزقاره وطفاها بريله واحترقت ريله من تحت مب لابس نعال صرخ : اححححح غلا : شفيك ؟؟ خالد : ها لا عضيت لساني غلا تظحك له خالد : اموت على الظحـــــــــــــــــه انا مشى خالد مع غلا وهم صاخيــــــــــــن يا يغازلها بكلام حلو ياساكتين قعدوا على صخرتين كبــــــــــــــــار على البحر كانو قراب من بعض حيــل وغلا متسنده على يدها وتلعب بطرف الشال لف عليها خالد والهوا طير شعرها ،، خالد حرك شعرها من على وجهها .. غلا حست ويهها بينقص من كثر الفشلــهـــــــ خالد : ليلـــة خميس قلبي بدقاتـه لوحده يناديكِِ اسمعيـــــه ويقول بآهااته (يتنهد) دخيييييييل الله اسمعــــــــيه ،،، انتي في هالدنيا نظر عينـــي منايا ومطمعــــــــي في موعدي ليلة لقانا "مولـــدي" .. غلا ماعرفت شتسوي استحت صج الاغنيه كلماتها حلوه من الفشله ابتسمت وحطت يدها على حلجها وهي تبتسم .. خالد : الله الله لهدرجه استحيني من الاغنيه غلا بخجل: ههههه لا شدعوى خالد : اففف ياغلا ، صج احبج غلا : وانا بعد خالد : والله ماكنت حاس غلا : بشنو خالد : ها غلا: بشنو ماكنت حاس خالد : صج امي غلطت بس احلى غلطه بحياتها .. صج انا اكثر واحد متهني غلا : انشالله دوووم . خالد : دامج ويـأي انا اعطيج 100% متهنييييي غلا : ههههههههه خالد : يابعد عمري انتـــــــــــــــــي ،، عمر كان فشقته يتعشى ويدرس باجر عنده امتحان وجاسم رفيجه على السوفا يدرس انطق باب الشقه عمر : جويسم تكفـى شوف الباب جاسم : اعووذ بالله جايبني ناطور عمر : قم قم قام عمر وشاف محد عمر : هاااااااااا مريوووومه الحلوه! جاسم : وين (ينزل عينه وشاف بنت نتتتتتتفه ) يحلييييييييلها منو هذي عمر : انا ادري ! قام عمر وراح لها عمر : ها شفيج مريومه ! مريم : انا وبنت حالتــــي " خالتي " المفتاح مال القرفه "الغرفه " مايثتغل عندنا وكلهم بره عمر : انشالله ، تجي وياي جويسم ! جاسم : لا والله كشته هي انطر بس اجيب الغدا وسلتنا والحقك عمر : مادري اشوتك ولا شسوي فيك انثبر بس غلطان انا جاسم :اففف طير طيرررر مريم وهي معصبه : هي انتتتتته لاتقول شي ترا هاي اخوي (تذكرت ) وانتتتتتتتتتتتتتت " تجر جاكيت عمر " تجذب (تظربه) تقول بتثثثثثثبح وبرد وانا نمت وقمت ورحت وانت محد عمر : نسسسسسسيت يلا يلا نروح نفتح الباب عمر راح وانصدم ( اوف هالبنت فكل مكان تطلع لي.؟.؟. لا وتقول عني مغازلجي والحين شوف من اللي بيخلصها ) ريمـه ( واااي يالفشله قلت الجيران يامريووم جايبه ذي ، وانا اللي جعمته اول ماشفته مصيبه شهالفشله !) عمر : السلام عليكم ريمـا : عليكم السلام عمر : اي واحد بابكم ( لانهم واقفين فنص بابين ماعرف !!!! ) ريما تأشر : هـذا عمر : زين ممكن المفتاح شوي؟ ريما تعطيه .. عمر دخله وقعد يجرب يفره افف يمين يسار مافي فايده عمر : متأكدين هذا المفتاح ؟؟ ريمـا : أي متاكدين ،، مريوم هذا مفتاح الدار صح مريم وهي تشيل المصاصه ( حلاوه ) من حلجها مريم تاشر بيدها : انتي خبله ولاشفيج ؟ شنو شفيج؟؟ (عمر يظحك على مريومه وظحكته طالعه تجنننننننننننن ) هذا مفتاح نصور انا بادلت معاه ريما تصفق ويهها : نصوووووور انتي ينيتي تبادلون مفاتيح شنسوي الحين مريم : نروح عند اخوي عمر فتح عينه ( ها ، انزين ، ها لالا ، يارب ماترظى يارب ) ريما تصفقها على خفيف : اوريج يالخايسه ،، خلاص مشكور الشيخ عطنا المفتاح واحنا بننزل عمر : لا لا وين تنزلون هالحزه الساعه 11 الوقت مو وقت طلعه ريمـا تكلمه بس عينها مش فعينه : ماعليه بنروح أي مكان مطعم كافيه ننطر ابوي عمر : يالله ، مايصير يابنت الحلال ، شوفي انا بنزل اكيد تحت عندهم مفاتيح لشقتكم ريمـا : خلاص ننزل وياك .. عمر : ليش؟ ريمـا : صارت معانا قبل و مايعطون الا من اهل الغرفه عمر : اجل ارد شقتي هني مالي لزمـه ريما افتششششششششششلت وكان ودها تكفخ عمرها على هالجمله ريما: لا والله شدعوى ،، بس يعني انت تعال لان اذا رحت مب ماعطيني لان الشيخه مريم هذي ولا المره الخامسه بيعطونها مفتاح عمر : انشالله .. مريم : شوفي انا ماثمح لج ريموه تبين الحييييييين اقط المفتاح من الدريشه ريمـا : سكتي بس عمر نزل ونزلو وراه سالته العامله شتقرب لها واتفقصت ملامحه وقال قريبهم عطوهم المفتاح وراح عمر فتح الباب وانفتح معاه ريمـا : مشكور ماقصرت عمر : لا شدعوى ، ماله داعي تشكريني ، مريومه مره ثانيه بادلي مفاتيح مع نصور زين ريما : لالالالا تحملي عمر : ههه يلا مريومه مع السلااامه مريم : باااااااااااااااااااااااااااااااااااااااااااا ااااا ااااااااااااااااااااااااااااااااااي ريما دخلت دارها هي واختها الصغيره .. نلمكم شوي عن ريمـا واهلها .. ريما كانت البنت العوده وعندها اخوان 2 واخت وحده مريم .. (( ريما 17 سنه ،، نايف 16 ،، محمد 11 ،، مريم 3 )) هاجرو من الدوحه عشان بعثه لابوهم واظطرو انهم يغيرون مدارسهم وتعليمهم وحتى حياتهم .. كانو جايين معاها بنات عمها وخالتها يدرسون وياها " عاشه ، مها ، غاليه ، خلود " + ريما D: انسدحت ريما بملابسها وقطت شيلتها "" يجننننننننننننننن ، شحلو طوله وكلامه ، انا شلون قلت عنه جذي؟؟؟ "" ريما تلت اختها الصغيره وضربتها بس بغشمره تعلمها انها غلطت وبعدين قعدت تسولف معاها ريما : ماتعرفين شسمه مريم : وااااي انتييي مادال لي لين الحييييييين ريما : ويي زين يلا خلصي لعبج يالشيخه عشان اسبحج وانومج ،، اف واغربااالي مريم : اوككي زيين سكر عمر باب الشقه وناصر يطالعه جاسم : انت وييينك سنه ! عمر : هذولا جيرانا بنتهم مظيعه المفتاح جاسم : أي يبا شعليك لك جمهورر واحنااا ،، اييييييييه عمر : ههههه كل تبن زين جاسم : ها تحبك ! عمر : من ؟ جاسم : بنت الجيران ؟؟ عمر بتفكير : شدخل؟ جاسم : والله مادري وين ماروح اشوفها فويهي اقول يمكن يعني انت عايش قصة حب فالعلالي عمر : اههههههه علالي بعد ، لا يبا الله يبعدنااا ، بس تصدق حتى انا وين ماروح فويهي جاسم : يمكن مسويه استنساخ عمر يحذفه بالكتاب : ادرس بس ادرس جاسم : انزيييين اف ترا جعت بطني قام يغنيييييييي عمر : يوهو تراك خلصت اكلي كله جاسم : مالت عليك قام جاسم وراح طلب لهم بيتزا وجابوها وقعدوا يتعشوون ... عمر صار شوي تفكيره منشغل بالدراسه والامتحانات غلا شــوي بس بعدت عن بالـه ،، لكن من يشوف شي حلو تطري عليـهـ ،، لما يشوف الورد بالجامعه ، البنات لما يمرون ، لما يسمع أي اغنيـه تطري عليه ،، اشيا وايد بدنيته تذكره بها .. اما خالد اللي صار متيــم فهواها ومايقدر يمـر عليه اليوم ومايقعد وياها فاجئهم كلهم لمن ردوا الدوحه بخبـر البيـت اللي شراه وانه بيطلع ،، امه عارضت لكن سعـود مامشى كلمتها هالمره ووافق على هوى ولده .. و العم سعـــد .::. قصدي المعرس المنتظر بقى عن العرس بالتمام والكمال شهرين واسبوع ،، كان يعد الايام وينتظرهاااااااا ،، .*.*.*.*.*.*.*.*.*.*.*.*.*.*.*.*.*.*.*.*.*.*. *.*.* .*.*.*.*. غلا كانت بدارها تلبس فستان سكري فاتح وعلى جنب فيه دانيل مذهب مع حجر فيروزي ،، كان شكلـه ناعـــــــــــــــم وانثـوي حيـــل ،، سوت فشعرها رفعه وملفلف شوي وحطت على جنب فراشه ذهبيه فيها فيروزي ،، هالمره دخلت هي وخالد وقبل لايدخلون خالد موتها ظحك لدرجة انها طلعت لهم وهي منترسه ظحك ومبين عليها تحاول تخش ظحكتها بس من تلف عليها تموت ظحك .. رفيجاتها ورفيجات لطيفه وعمتها تغريد وخالات وخوال وعمام خالد وغلا كانوا حاضرين .. قعدوا شوي وطبعآ خالد كان شاري هديه لغلا ولبسها الهديـه ،، كان شكـل خالـد فظيـــــــــــــــع لابس ثوب ابيــــــض والغتره لافها بطريقه فنانـه ،، قعد شوي مع غلا وبعدها نزلو العشا على الطاولات .. خالد خلاهم وراح للحوش من الجهه الثانيه كانو الرجال فيـه بس طبعآ رجال العااايله ،، باركوو له وسلمو عليه وقعدوا يتعشووووون ـ.. بعد العشا وماطلعو الناس المعازيم يعني تمت العايله ودخلو لداخل البيت سوالف وظحك وغشمره خالد يهمس فاذن غلا : تراج احلـــــــى وحده بينهم .. غلا استحت منــــــــــــــه ، ليش يقول جذي وجدامهم لو سألوني شقال وااي طالعته وكانت نظراته كلششش ماتبشر بخيـر مثل كل مره خخخ -------------------------------------------------------------------------------- بالليل غلا بدلت وانسدحت على السرير وخالد لبس بجامه شورت اسود وتيشيرت اسود .. ظعفاان خاااااالد ومبين عليه غلا : خالد شوف شلون ظعفت ، اففف ، كله من الزقاير خالد : حبيبــــــي شدخل؟؟؟؟؟؟؟؟؟؟؟؟ غلا: أي كل مره اسمع هالكلام شدخل وخلاص بترك بترك واخرتها لا تحبها اكثر مني خلاص روح لها خالد يلم باكيت الزقاره ويكلمه : لاتزعلين لالا ماعليه ، شوفي شلون كسرتي بخاطرها غلا تبي تظحك بتنفجر هي معصبه وهو باله طويـــــــــل خالد : هههههههه غلا حبيبتي من صجج عاد ، خلاص صدقيني بتركها غلا : نشــــــوف قامت غلا وكانت برداااانه بس قميص نومها لين الركبه وريولها عصاااقل هههه خالد : ها تبين نروح الزرع معاهم ؟؟ خاله كان عازمهم كلهم على الزرع الاسبوع الجاي غلا : والبيت ؟؟ خالد : عادي نسكنه وبتكون العزيمه الاسبوع اللي بعده غلا : وطبعآ لازم نسوي عشـا فالبيت مو جذي خالد بلهجة بدووووويه : عين الصوااااااب يابنت عمي غلا : ههههه تعبت تعبت ، كل يوم عزايم عشا واسلم خلاااااص مافيني خالد : ماااااالت على العزيمه مانبيها دامها تتعبج خلاص نسكن بالخش ولانعلم حد افا عليج ( يغمز لها ) كم غلا عندي انااا ؟؟! غلا ظحكت له وردت قعدت على السريـر .. خالد : ليه عمري مالقى لبرده دفا الا دفاكـــــي ليه انا عيني تشوف (يمسك عيونه الوسيعـــه) وماتشوف الا بهاكــــــي .. يا اجمل من الاخيله هذا جواب الاسئلـه .. كـي تكوني في عيوني ومن حنيني وبس فيني ومو بدوني مذهلــهـ . غلا ظحكت له ومطت خده : انت بس تغني خااالد خالد يشيل يدها : شسوي غلا يعني بالله اللي يشوف هالجمال يذكر شسممممممممه؟؟؟؟ غلا تطق يده : عياااااااار خالد يتلها : اعلمممج شلوووون عيااااااااااااااااااااار ثانـي يوم الصبح مشت السياير من بيت العم سعود من الصبــــــح تنقل اغراضهم للبيت الجديد .. وخالد وغلا كانو يلبسون بدارهم ،، خالد : ها خلصتي !! غلا : انتظرني تحت وانا بلحقك .. خالد : انشالله لاتتأخررررين غلا : انشالله . كملت غلا لبسـها ولبست عباتها ونزلت .. سلمت على عمها وعلى لطيفه وطلعوا من البيـت .. لطيفه : شفت ماتبيه يقعد ويانا حتـــــــى سعود : الله يهنيهم انشالله خالد وغلا راحو يتريقون وبعدها بيروحون بعدها البيت ،، راحو تريقوا بالمطعـم وطلعـوا ،، فالسياره غلا : خلااص خالد خنروح البيـت خالد : افااا مليتي منييي ! غلا : مامليت والله بس خنروح بيجي الظهر واحنا مارحنا ماعندك وقت بعدها متى بنرتب متى بنشوفه خالد : انشالله من هالعين قبل هالعين راحو للبيت وكان شكله من بره غير عن البيوت تصميمه غريـب .. فتحوا البيت وكان روووووووووعه .. الرخام كلـه بيج والاستقبال كان واسع ومحطوطه فالنص متوسطه مدوره عليها مفرش طايح من على الطاوله ومزهريه فيها ورد قعده على اليمين .. وعلى اليسار صاله مرتفعه وسلم صغير وقعده مبين عليها للنسوان .. وصاله داخليه والمطبخ والغرف وووو .... إلـخ غلا البيت عجبها حيـــــل حتى الاثاث راقـي حيـــــل البيت اغلبه كرستـال .. خالد : عندي لج مفاجأه بعد غلا : بعـــد ! خالد : يــس غلا : هههه شنو هي ؟؟ وقفوا عند باب مسكر خالد :يلا فتحي وهاللي بتشوفينه هديـه منـي لج غلا ظحكت له وسمت فقلبها وفتحت الباب فتحت عينها على اللي شافـتــــــــه شي روووووووعهفظييع لو اقوله لكم من اليوم لي باجر مااوفي حلاة المكان غرفه كلها اشيا كرستاليه وزجاجيــه روووووووووووووووووووعه منوووووره حيـل كأن الصاله بلور كبيـر كانت فيها طاوله بس فالنص وسوفا متوسطه وكرسيين على جنب كلهم عنابييين والغرفه كلهاااااا اشيا رووووعه ومافيها غيــــــــر صور غلا وصوره لها هي وخالد تجنن مكبرينها ومعلقه على الطوفه وعليها سبوت لايت ومسوين لها ديزاين ستاره عنابيه وشي فظيــــــــع غلا قعدت فالمكان وقت طوييييييل والدريشه تطل على الحديقه وفيها نافوره ومسبح صغيييير على الجنب الثانـي والمسبح كله ناثرين فيه ورود غلا : روووووووعه خالد ، المكان فظيييع صج خالد : اهم شي انه عجبج غلا : موووووت والله عجبني خالد : افا عليييج انتي لج اللي تبينـه .. غلا لاشعوريآ لمت خالد بقووو ، خالد حس بشي غريـب ماعرف اوصفه ؟؟! لكن كل اللي حسـه ان حبه لغلا تفجـر من داخله يحبها يحبها حيـــــــــــــــل هالانسانه اللي كان معتبرها ياهل وبمكانة اخته صارت حبيبتـه !!
|
|||||||||||
| #80 | ||||||||||||
|
|
|
|||||||||||
| #81 | ||||||||||
  
|
|
|||||||||
| #82 | ||||||||||||
|
|
|
|||||||||||
 |
|
|
العرض العادي
