من مطبخي : فطائر البف باستري بحشوة الدجاج والبطاطس + الصوص

 

من مطبخي : فطائر البف باستري بحشوة الدجاج والبطاطس + الصوص

السلام عليكم ورحمة الله وبركاته
أحياناً يكون لازم تطبخين والوقت ضيق عندك
فّ أنا من الناس اللي لازم أخترع شي لما أدخل المطبخ
بهاليوم سويت البف باستري بحشوة عجيبة
وسويت معها صوص عشان تكتمل لذة الطبخة





المقادير :

2 عجينة بف باستري جاهزة
صحن صدور دجاج منزوع العظم
ربع بصلة مفرومة
حبة بصل أخضر مقطع صغير
نص حبة فلفل رومي
4 حبات بطاطس مقطعة مكعبات
ملح + بهارات على حسب الموجودة عندك
أنا أستخدم بهالوصفات البهارات الإيطالية + الزعتر البري + رشة قرفه

للصوص :

ملعقتين مايونيز قليل الدسم
ملعقتين جبنة سايلة
علبة قشطة
نص علبة زبادي
فلفل أبيض مطحون + زعتر بري + زنجبيل مطحون + ملح

الطريقة :

- على النار البصل المفروم مع الزيت إلى أن يذبل
- تقطع صدور الدجاج صغيره جداً وتغسل جيداً وتضاف فوق البصل
- يحرك إلى أن يتيغير لونه
- بعد قلي البطاطس وتنشيفها جيداً تُضاف إلى الدجاج .
- نضيف البصل الأخضر + الفلفل الرومي والبهارات والملح ويتم التحريك جيداً
- يستغرق الطبخ من 15 دقيقه إلى 20 دقيقه
- نفرد البف باستري ونضع قليل من الحشوة ونغلقها جيداً ونضعها على صينية
- للوجة نضيف بيض أو كريمة خفق وندخلها للفرن لمدة 25 دقيقه

للتزيين جرجير

وبالعافية

المصدر: منتدى الخليج

 

ما شالله
يسلم ايدينج ع الوصفه الشهيه جدآ
وطريقه وايد سهله
ويعطيك الف عافية
نوف كانت هنا

 

 ماشاء الله يغطيكي الف عافيه ...
احنا الخلاصه تظهر عندنا يوم الويكند ههه الجمعه
عشان اجلس في البيت على ركبه ونص ...البنت وامها كل اللي عندهم يجيبوه


كل الود يالغلا

 ماشاء الله وبالعافية عليك
ويسلمو الوتر الحساس
على وضعك هذه الصور والمقادير والطريقة ويعطيك ألف عافية

 شغل متعوب عليه وشكله لذيذ مره
بالعافيه يارب وتسلم يدك
شكراً لطرحك الوصفه
يعطيك ربي العافية

 يععطيـك الـعـافيـهَ على هالطرح