أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
 |
| #1 | |||||||||||||
  
|
قصيدة جمرة الثلج ( لطيفه ) للشاعر سالم سيّار هذي منك اقسى من طعنة عدوي .. اقسي والله حيـــل اقسى حيل تعبانه يدينك يقدح الخنجر واشمك هيل وجروح وأغاني عاد تدري .. ! شفت ظلك !! ياما نبهني عليك كنت اكذب ظل وافي كان خارج من خياناتك .. عليّ أيه اعرفك احضن الخنجر وأشمك دمع وعيون واماني بس انا وياك والله مو مع الطعنات ضدك !! حتى شوف وش كثر أشره عليك وانا مطعون بيديك كان من اول تقول وانا أطعن نفسي عنك أأأأه عنك . . . طار من عمري غلاك ودمعتين ٍ مورقـه بللت عمري حسافه بس أنا ما اشره عليـك المصيبه نبـع عمـري مايصـب الا الثقـه عاد شوف شلون عمري شلون وداني ليديـك ! أشهد أنـك ماتقصـر كـل خنجـر تزرقـه بالظهر ياحيف والله بالردى مالـك شريـك وش لقيت بطعنتينك غيـر صدقـي واعذقـه وش لقيت بحضن كفك غير قلـب هـو يبيـك ماحبست الا بضلوعي دمـع يابـس واعتقـه مو عشانك من عرفت ان المحبه ماهـي فيـك أنعكاس الظل يكسر صورتـك وسـط ورقـه وأنكسار الضوء خنجر يرتعش مـن طعنتيـك كل حزن ٍ في عيوني مـن عيونـك أسرقـه قلت لك وان جتك ضيقه لاتجيني انـا اجيـك كل هم ٍ من يحـاول يوصلـك كنـت اسبقـه وكنت اخلي عمري يحضن كل طعنه تب تجيك . . . راح ..اروح . . يا لطيفه راح اروح واحضن ظلالك وأصب فيه الجروح ماتعودت الشموخ الا من اجل الشموخ ! ودنيتك فيها الفقارى وضحكة الجوع السؤال / وأنحناء الذات / وضحكة النفط وجوابه في ملذات الشيوخ من يوصلني سوى يديني ليديني !!.. من يرجعني عليّه حتى ياخذني عليه وانا ماعندي سوى هذاالمغيب .. وريحة أمي كل ما شميت اول /اخر/ أطراف الملافع /صرت اضئ واكتب النور/ المعتق بالوفا وجروح جدي من عقيق صرت أنا امحي أكتب أمحي وأشعل الليل العتيق كنت أقول الحب رمح يخترقنا حتى نفقد كل توازنا ونطيح حتى شفت الأرض ../ كل الأرض [ أنسان جريح وين قلبي ؟ خفت أطيح راح اروح . . يالطيـــفه كل ما الشمس اتشرب بالسما شفة مغيبك انطريني وانا ادري ما معاي الا الاماني/الاغاني وكلمتي لك انطريني وما معاي الا صداها ............... صداها إ نـ طـ ر يـ نـ ي . . . ليه أضيع ؟ هذا حنا موتنا هو فينا منا الحسد ورثة إيدينا وإن حسدنا ماحسدنا الا واحد من حدينا وأنتي ياخذك النعاس وأنا بعيوني سهر الحزن منا وفينا ومن يدين الحزن ياخذنا نتسول في عيون الأخرين كل صدراً طاريقنه مالقينا غير همن حاضنينه ألف صدراً فيه دين و ألف صدراً فيه نار ليه أضيع ؟ وحنا والله مسلمين وألف طفلاً يحضن عيون الشوارع ثم يبيع وحنا والله مسلمين والأراضي اللي توقد في مساء الغرب وتميع وحنا والله مسلمين في صلاة الجمعه بس حنا والله مسلمين في صلاة الجمعه بس حنا والله مسلمين هو الليل ومعايا بس جروحه ودمعـة عيالـي ومعايا شوي من حلمي القديم وعتمة اصحابي عسى من راح مايرجع يجي ويشوف احوالـي عسى مايفرح بدمعة خضوعي من على اهدابي عسى مايسمع بصوت البكا من عيـن موالـي عسى ما يلقى لعيونه صعود لنخلـة صوابـي ياليل ان جيتهم مره غلط وان جيت في بالـي دخيلك لا تعلمهم على اللـي يصيـر بغيابـي دخيلك لاتقول اني بهالغربه ضعـف حالـي وانا اللي مالي بالغربه سوى عيوني هي ابوابي عشاني أو عشان اللي بعمري هم غلا أطفالـي دخيلك لاتفز ضحكة شماتـه بشفـة أقرابـي ياحيف شلون خلوني بدون وداعه بـ رحالـي ولاكلمة فـمان الله تطفّـي لوعـة اعتابـي وحتى الجرح اتعبته بينسى طعنة أمالي لأنه لو قدر ينسى اذكـروه بجـرح أحبابـي . . . تذكرتك وانا بصدري ربابه قوسها يبكي وهي دايم تذكرني ابكي هلي ياناس ماني بمليوم واظن من يبكي هله مايلامـي عفت الرقاد وحاربت عيني النوم وابديت ماكنيت ماني بكامـي يا لطيفه تعنيني قصايد فيك توصلني لنهاياتي / طموحاتي ولايبقى ماغير انتي تنادي بخاطري المكسور تجي فيروز نسم علينا الهوى من مفرء الـوادي ياهوى دخل الهوى خذني على بلادي وانا غادي وتذكرتك ...... ولاانسى هم من حزن الليالي .. وضحكة الوالد .. يقول ان كثرة احزانك قريب خلك ولاتباعد عن احبابك .. عن اصحابك ترى بس هم يعزونك عشان ان كثرت طعونك (( ترى بس هُم )) يداوونك..!! رحل من هذي الدنيا وترك لي بس.. (( ترى بس هُم )) !! وقصيده تشتعل بالجرح أنا ذبحني الجوع وانتم تشوفـون كبيتوا كـل الـزاد قـدام عينـي سكين وقتي عذب الدار بطعـون شقق جدار الصمت وانجن طينـي عيب ٍ علّي ان كنتم انتم تحسـون وعيب ٍ عليكم لو بكتنـي سنينـي اشقى وشقايا بالشقى صغار يبكون ثيابهّم في زهـوة العيـد بينـي يبه وتذبح خافقـي مـن يقولـون يبه ولا القى وين حالـي ووينـي انا صويب الحال ياللـي تنامـون ما فيه هم ٍ ماغـدى محتوينـي مقدر امد اليـد يانـاس تكفـون أموت جوع ومشبع العـز فينـي عزو عزيز النفس ياللي تعـزون قبل اليتامى تموت قـدام عينـي . . . وتلوميني اذا اهاجر ؟ مـ أنا مهاجر من روحي مع جروحي .. مع بوحي . تعالي صج نسيت اسأل ؟.. عيونك تعقد عيوني ولالا .؟ انا مازلت .. اصب فيك البكى وأرتــــــاح اثاري تشمشمك للجراح تشم عطور ترحيبك وشيالك وطباشيرك ولما تكتبي بالجدار الدينار وطن لاصرت بالغربه !! وانا أكمل وغربه بالوطن لاصرت بلا دينار !!! .... وتتكسر طباشيرك !! المصدر: منتدى الخليج
|
||||||||||||
| #2 | ||||||||||||
 
|
على أختيارك هذه الكلمات الجميلة والرائعة ويعطيك ألف عافية
|
|||||||||||
| #3 | |||||||||||||
 
|
ويعطيك العافيه
|
||||||||||||
| #4 | ||||||||||||
  
|
|
|||||||||||
| #5 | ||||||||||
  
|
|
|||||||||
| #6 | |||||||||||||
|
ويعطيك ألف عافية
|
||||||||||||
| #7 | ||||||||||||
|
|
|||||||||||
|
| الكلمات الدلالية (Tags) |
| انتهي, جمرة |
|
|
العرض العادي
