جلاش محشى سوسيس

 

جلاش محشى سوسيس

	الكمية تكفي: 6 أشخاص وقت التحضير: 15 دقيقة وقت الطهي: 30 دقيقة المقادير: سوسيس جلاش جبنةموتزاريلا جبنةرومى فلفل رومى بصل طماطم التحضير: قطعت بصلتين وسط و حوالي ربع كيلو طماطم قطعتها مكعبات و الفلفل قطعته صغير و بشرت الجبن و قطعت حوالي 7 وحدات سوسيس طرنشات حطيت شوية زيت في الطاسة و دبلت فيهم البصل و بعدين ضيفت عليه الفلفل و شوية تشويح و بعدين الطماطم و شوية تشويح كمان و رشة فلفل بس بعد كده قسمت الخلطة نصين نص حطيت عليه السوسيس وعلي النار وسويته تقريبا و ملحته و النص التاني هنحط عليه الجبن بس من غير النار و نشوف لو عاوز ملح نظبته لان الجبنة بتملحه الطبخ: كده نبتدي نرص الصينية ندهنها زيت خفيف و نرص اول لفة ورقتين ورقتين و ندهن بينهم زيت نحط الحشوة و اي حشوة تانية نحبها ان شالله 10 حشوات و نرص اللفة التانية زي الاولانية دلوقتي نقطعها و ندهن وشها زيت و عذرا انا باحب اقطعها كبيرة و القطع اللي في النص فيها الحشوتين سوا و علي الفرن علي طول دلوقتي نعمل البيض و اللبن انا باحط في المج بيضة و باكمل المج لبن و الصاجة بتاخد مجين من دول و طبعا باقلبهم كويس و باحطلهم ملح و فلفل وح للصاجة في الفرن بقالها شوية نخرجها و نحط البيض باللبن و ندخلها الفرن تاني

المصدر: منتدى الخليج