للحزن في جوف المفارق مسافات

قـائـمـة الأوسـمـة · #1

للحزن في جوف المفارق مسافات
مشّيتها لين الجروح اتعبتني
تبكي حروف الشعر في بعض الأبيات
لأني منّى أكتبها هي اللي أكتبتني
راحت وقالت لي بعود ولا جات
مرت علي اشهور ما كلمتني
ماغير أوزع للوجيه ابتسامات
وانا مشاهيب الفراق أحرقتني
كذاب من قال المحبه سهالات
عطيت ليامي وهي ما عطتني
في قلبها ماظن ذاك الوفا مات
كني بها فآخر لقا يوم جتني
قالت بغيب وقلت وش صار بالذات
قالت ظروفي عن وصالك حدتني
قلت الظروف أقدار رب السماوات
ومرت دقايق صمت ما جاوبتني
وأقفت توادعني وقفيت بسكات
نذر ٍ على رقبتي انها روعتني
ماعاد ينفعني عليها التلفات
صاحت جروحي ليه ولا اسمعتني
كنت اتمنى ياقف العمر لحظات
لكن عقارب ساعتي سابقتني
للهجر في وجه المحبه علامات
وطيوفها عقب الوداع احزنتني
راحت ومر الوقت حسره وليعات
امحق علوم أربها ما نستني
يخنق شعور الشوق في بعض الأوقات
أني فلا أذكرها بيوم أزعلتني
جنبتها عن كل حاسد وشمات
وياليتها عن جرحها جنبتني
ياغايبه عن شوف عيني سلامات
الدمع والذكرى عليك أجهدتني
حبك عوض صبري على كل مافات
وملامحك عن زين غيرك سبتني
وهجرك حصل لاشك ذكراك لا جات
حتى لو اني بين ربعي خذتني
مشْت بي اشواق وعذاب ومسافات
وكل الجروح المبطيه واجهتني
على كفوف الحلم للوصل رغبات
لكن ظروف الوقت ما ساعدتني
يا لايم اللي يسهر الليل ما بات
ماشال متنك مثل ماشال متني
ياليت لجروح المحبه نهايات
ماكان دمعات الفراق افضحتني
... حمد البريدي

المصدر: منتدى الخليج