إي وربي عطرك يغتابكْ

 

إي وربي عطرك يغتابكْ

إي وربي عطرك يغتابكْ

ماأحد عمرهـ حكى بك.. ياحياتي في غيابك..
إلاعطرك..!!
إنتي رحتي من هنا .. وقام يغتابك..
إي وربي .. عطرك إغتابك..!!
من سريتي .. وهو يسولف..
ماترك شيٍ إلاقاله .. من ألف بائك ليائك..
الله ياااهو دااافي ... وثرثااار..!
أخّاذ وجرئ..!!
لاتحطينه دخيلك ..
لانويتي تسهري..!!
ينشر الفوضى .. ويربك كل شيٍ فـ المكان..
يفتح الأبواب قبلك ..
ولاسريتي يرجع يعيد اللي كان..
إسمعي وش قلّي عطرك لما رحتي ..
عدّد الأشياء بحياتك ...
كم تركتي ..؟
كم جرحتي ..؟
كم نسيتي واحدٍ مثلي ورحتي ..؟
كم زرعتي الدنيا من حولك وعود ..؟
أسئلة.. شمع .. وورود..
كان حاقد ..!! بس ماحاول يسبّك..
ماألومه .. من يلومه لو يحبك..!!
وكان مستكثر علي .. إندهاشي..!!
وفرحتي بأول لقاء ..!!
إنتهى الليل وبقى ..
مابقى فـ الليل شي ..
إلاعطرك ..!!
الله ياااهو دااافي ... وثرثااار ..!
أخّاذ وجرئ ..!!
لاتحطينه دخيلك ..
لانويتي تسهري ..!!
ينشر الفوضى .. ويربك كل شي فـ المكان..
يفتح ألأبواب قبلك ..
ولاسريتي ..!!
يرجع يعيد اللي كان ..!!؟؟

لشاعرها طلال حمزة

المصدر: منتدى الخليج

 يسلمو قطعة سكر
على وضعك هذه الكلمات الجميلة ويعطيك ألف عافية

 شكراً لطرحك الكلمات
يعطيك ربي العافية

 منوريني "

 شكرآ ع الكلمات الجميله
ويعطيك الف عافية

 منوريني "

 
بارك الله فيك على الموضوع القيم والمميز

لك اجمل التحيات

وكل التوفيق

وفي انتظار جديدك الأروع والمميز