![]() |
![]() |
|
![]() |
#1 | |||||||||||
![]() ![]() ![]()
|
تبي تعرفون كيف الفرحة تنقلب ترحه أعلمكم نهار قمت متحمس لكم ناوي أرد جميل مديرتنا بسرعة ما احب الدين حيث انه يشغل بالي وأصير مقيد التفكير لمن قيدني بجميله والله وأجي مبحر في عالم قوقل وفي بالي اني راح أجيب شيء جديد على منتدانا محد قبلي قدر يجيبه وأثناء الجولة كني لمحت شيء غريب أول مرة أشوفه في حياتي مكتوب في عالم ألنت وأعيد النظر فيه مرة ثانيه انه صحيح الذي لفت انتباهي لا وبعد علم طبي يستفاد منه في الحاضر والمستقبل ومحد منا يستغني عنه كم واحد منا يحتاج يودي شيبانه للتحليل الطبي والدكتور يتفلسف عليه ويحلل على كيفه يسوي التحليل على مزاجه فقلت بس يا أبو حمود وجدت ضالتك هذا الذي يبيض وجهك ويرد الجميل وزيادة بل أتوقع واطمع بأكبر من ذلك . وفي اعتقادي بل أجزم انه ساع طب المنتديات يعني أول مرة أشوف احد يصف نوع تحليل الدم بمسمياته كامل من طقطق إلى السلام عليكم قلت في نفسي هذا لازم اني أسرقة بأي وسيلة كانت وقمت بتضليله حسب الخطة المتبعة مسبقاً والكثير منا عارفاً هذه الشغلة وأنا متعود عليها من زمان تضليل وقص ولزق لكن عارضتني مشكلة ولّ من مشكلة يا ترى وش ألسواه لازم تسجل في المنتدى حتى تمكن من كامل الموضوع , ايه بالله سجل وش ورآك لجل عين تكرم مدينه . المهم قمت بخطوات التسجيل وتجاوزت جميع مراحلها بسلام خن بط رسالة وصلت ترحيب هيا عاد من صج توهقت ووهقتني معهم لازم تعرف على نفسك وتصير خوي سنافي معهم لا تفشل نفسك يا ابو حمود . لاحول لازم اني اكتب هالحين واطلب ترحيب وإنا مستعجل .. عجل الهمام قبل يجي هالحين مقرود ينهب الموضوع ويحطه قبلك ثم عاد دورعليه . المهم قمت بكتابة الترحيب حيا ميا والسلام عليكم .. وعلى طول أروح لموضوعي أدور عليه ماله أثر يذكر ما كن الله خلقه مدري وين راح ولا أدري وش صار عليه قلت يمكن انني ألقاه هنيا والا يمكن انه هناك المهم لقيته بعد ما طلعت روحي وجبته عقب عزره أكثر من ساعتين وأنا وإياه في خذها وذقها... واجيك طافح به لا السماء اقرب لي ولا الأرض وفرحان بالغنيمة اللي انا فائدها وتفكيري كله منصب في مديرتنا وش تبي تقول وأهرج روحي أقول أكيد تبي تقول تعال محلي أنت الذي تستأهل الإدارة بجدارة من جد وفي هذه اللحظات ترتفع يدي لا إرادة تلقاني لتقوم بحك صابري من زود التفكير في الحل مدري وش أقول لها من الفرحة والحياء قلت أول شيء بعيي لين تغصبني ثم بقول على شأنك بس وفي نفس الوقت أفكر كيف أعيد نشاط الأعضاء وأرفع من معنوياتهم ويطرى على بالي اثنتين هن اللي يستأهلن ان ارقيهن نور الشمس وهادئه المشاعر شكلهن مطولات في الأشراف والخدمة لها دور فعال في رقي المنتدى والمؤهل العلمي مهوب مهم لهدرجة أهم شيء الأخلاق وهن على درجة عالية من الأخلاق ولهن معرفة سابقة لا يستهان بها في كسب ود الأعضاء حتى لا يتملصون من المنتدى الواحد بعد الأخر ثم ما يقعد غير الزعول اللي ما يداني ازحف ورآك واللي يضيق من جنبه واللي يشك في ضلاله ثم ينطبق علينا المثل (المنحوس طاح على خائب الرجاء) المهم وصلت بسلام لمنتدانا وأحط الموضوع في قسم الطب ما تلهوث معي عارفاً الطريقة بسهوله وأقوم واطلع من المنتدى بسرعة وأتنفس تنفس الصعداء الحمد لله محد سبقني عليه قلت خل بعد ساعتين وأرجع إن شاء الله أجد المديرة تنتظري بالجائزة ما قدرت اصبر ساعة مهوب ساعتين جيت مطفي النور مدرعم لموضوعي وافتح المنتدى وهالرسائل تنهال علي كلها من المديرة وهاذي الرسائل كلها على شأن موضوع واحد بهت مدري وش أفتح وش أخلي وقلبي كنه جناح طير يكفخ للمطير من الفرحة وتناوش وحدة من الرسائل ونسيت أسمي بالرحمن وأول رسالة أفتحها تزلحط عيني على كلمة محذوف الله لا يوريك هالموقف عسى عدو عيني يطيح فيه كني في دوامه مدري الأرض هي فوقي والا أنا الذي فوقها وأسمي بالرحمن بعد ما دخت ذكرت الله. أثر موضوعي له سنه وزيادة والناس ماله منه وأصلاً محد جاه غير المديرة طقت هاللغثوم بالشماغ الأحمر وحذفته في سلت المهملات هاذي والله الفضيحة وين أنت عايش أنت مع العالم والا في مفرزة لحالك عن الناس راجع نفسك أكيد انك مسوي أمر ردي وهذا هو ذنبك على نفسك ما يصيب ابن آدم الا من جري ذنوبه لا والمصيبة كل المكرر اللي هنا محذوف مغير بسمي أنا وحدي ما معي أحد على الأقل ليت واحد معي :على ما قيل (الموت مع الجماعة رحمه ) هذه والله الفشرة الفاشلة من أولها ليتك ارتحت وأريحت أركابك وتركت عنك التحمس الزائد الذي ما جاب لك الا هالانحطاط والانخراط من عيون الغزلان ليتني أنثبرت محلي محد درى عني وأرخيت عنان قلمي في المنتدى وتركت النقل لغيري (هل مكة أدرى بشعابها ) قلم ابو حمود حمدان المصدر: منتدى الخليج
|
||||||||||
#2 | ||||||||||||
![]()
|
ليس أنت الوحيد اللي مواضيعك مكرره وتحذف بل الكثير ولو لك صلاحية إنك ترى المواضيع اللي في قسم المحذوفات سوف تقول فعلاً معاكم حق ياللي تنقلون مادام الموضوع مكرر فلماذا يبغى موجود في القسم وإذا مر عليه سنة على كلامك فلماذا يوضع بعد فوات آوانه فأعتقد هذا أفضل شئ إن المكرر لايبغى غير في قسم المحذوفات
|
|||||||||||
#3 | |||||||||||||||
![]() ![]() ![]()
|
بارك الله فيك اخوي كحيلان الحذف هنا مغير تمويه لترويج البيانات لوصول المعلومة المرجوة مع شيء من الفكاهة التي يتخلخلها ملح وسكر بين المزح والجد . والا أنا أدري أي موضوع مكرر ماله غير الحذف حتى المعرف المكرر لا يقبل الكمبيوتر دخوله والتجربة خير برهان لكن عد النظر في القراءة ثاني مرة وثالث مرة بتمعن فسوف تجد خلاف ما طلع لك من ألوهلة الأولى وهذا هو المطلوب الذي أريد وصوله لشخص بعينه يفهم مغزاي وتدبير الأمور بأصابع كفه . ومشكلتي ان المعلومة التي براسي ان وصلتها للمتلقي بسهوله تصير للجميع معلومة. وهذا خلاف رغبتي
|
||||||||||||||
#4 | ||||||||||
![]() ![]()
|
أجل كنت متحمس يوم تكتب الموضوع <<قصدي يوم تسرقه:168: خخخ والله موقف لا تحسد عليه ولاهنت بسرده ونقله لنا والله يستر من مغزااك:14:
|
|||||||||
#5 | ||||||||||||
![]() ![]() ![]()
|
صحيح انك قريت الموضوع وتمعنت فيه وعجبك واستفدت منه ولما جيت بتفيدنا فيه طلع الموضوع مكرر ... ولا مو الكل اللي شايفه البعض من الاعضاء المهم في الموضوع انك انت استفدت من الموضوع وخيرها بغيرها يالذيب والله يعطيك الصحه والعافية
|
|||||||||||
#6 | |||||||||||||||||
![]() ![]() ![]() ![]()
|
انا من شفت كلامك في موضوعك السابق حسيت بمدى الحماس الي فيك
وبعد تفكير عميق و تاكدي بانك انسان ذو وعي كافي وفاهم قلت مافي غير ان انقله وتستهال الادرة ليش لا وكلن يصل بمجهوده وان شاء الله نشوف اسمك ( ابوحمــود) بالبشت الاحمر :Taj43: المكرر لا يعتبر فشل و كلنا واقع في هذا الخطأ وعدد المواضيع المكرره لهذه اللحظه (2202) وكل شخص له نصيب منها لكن لم ندع هذا الشيء يؤثر فينا وطريقه البحث عن محتوى الموضوع قبل طرحه افضل وسيله تجنبك المواضيع المكرره وهذه الطريقه مشروحه واي سؤال نحن حاظرين طريقه عملية البحث للمواضيع قبل طرحها طريقه سهلة جداً نسخ أي كلمة أو كلمتين من عنوان الموضوع أو مضمون الموضوع نفسه واكتبه في صندوق البحث الموجود في أعلى المنتدى على أن يكون عدد أحرف كل كلمة 4 أحرف أو أكثر يعني كلمه ( كل ) ما تنفع في البحث لأن عدد أحرفها 2 فقط مكان البحث مبين في الصورة ![]() واختار اي كلمة تكون غريبه شوي تكون مضمون البحث ملاحظه : ليش ما تفتح لك مدونه و تكتب فيها كل الي بخاطرك حاسه ان هذا الموضوع ليس مكانه في هذا القسم
|
||||||||||||||||
#7 | ||||||||||||
![]() ![]()
|
..ههههههههههههههه دوم يارب تكون متحمس وفرحان ونشوف ابداعك بتنزيل المواضيع بس ماعليك الا تتبع الطريقه الي ذكرتها لك الريم اللعوب وبأذن الله ماراح تكون فيه لك مواضيع مكرره ورب الكون انا كنت مثلك مواضيع مكرره وذلك لاني مااتبع خاصية البحث قبل طرح الموضوع بس بعد مااتبعت الطريقه الحمدالله صار قليل يكون لي مواضيع مكرره يعطيك العافيه
|
|||||||||||
![]() |
|
|