فيه ثنتين ٍ جميله من عيوني ما تطيح

قـائـمـة الأوسـمـة · #1

آه من ليل ٍ تركني بين طياته جريح
.................... وآه من ليل ٍ تباطى له سنين ٍ ما سرا

مستبيح ٍ سجة الشعر ودياره مستبيح
................... دام ذا الليله طرالي طاري ٍ ما قد طرا

انت علمني عن الشعر الركيك من الصحيح
.................. ركز عيونك هنيّـا قل بعدها وش ترا

وانتبه بيتين ابمزجها مع الشعر الفصيح
..................... قلت ابينها عشان اللي قراها لاقرا

لو بكتْ اقلامُـنا / والحبر عيا لايبيح
................. قد يكون الشوقُ اكبر / من كتابتها ترا

وان دريت قلوبنا / لا تستطع أن تستريح
........... فاعرف ان الشوق فيها / حجمهُ حجم الورى

ياخي خلك لاقريت الشعر انسان صريح
..................... واشعر انك يوم تقرا اننا فيه خشرا

ماكتبته يوم ادور فيه عن كيل المديح
....................... لا يقدمني مديح ولا يرجعني ورا

فيه ثنتين ٍ جميله من عيوني ما تطيح
.................. يوم الاشيا الثانيه قد يعتريها ما اعترا

القصيده كانها زينه ونظرات المليح
..................... حاجتين ٍ تفتري فيني بمعنى الافترا

القصيده في عيوني تعتبر كون ٍ فسيح
.................... والعيون السود يافرق الثريا والثرى

وكان تنشدني عن اللي يعتبر عندي قبيح
..................... كان يغدر بك رفيق ٍ تعتبر مثله ذرا

ومنظر ٍ ودك بعينك يوم تشبح به تشيح
.................... دمع رجال تولاه القهر غصب وجرا

وانتبه للمزح احيانا ً ترى يصبح مُزيح
.................. يبعد الاصحاب ويسبب لجرح ٍ ما برى

وانتبه يوم تجي في موقف اللازم شحيح
..................... الزمن طبعه يدور وتسمع لرد البرا

وفيه ناس تستحي احذر عرقها لا يسيح
..................... مرر الموقف كانك مادريت ولا درا

ومن تصهين لا تفكه لو قعد عندك يصيح
................... والله انك من تفكه باع فيك ولا شرى

اعرض افكاري ولا عندي ترا راي رجيح
................. ربما ناس تشوف اللي سبق كله هُـرا

المصدر: منتدى الخليج