حب الرجل المتزوج

 إذا كان هالحب حب زواج فمن ناحيتي أأيّد هالحب
أمّا يروح يحب علشان تقصير من زوجتة فهذي هي الخيانة بعينها

ياجماعة الخير خلّونا نكون واقعيين إحنا جالسين نتكلم في شي يدّمر أسرة ..
وش إللي يروح يحب علشان حرمتة مقّصرة معة أو ناقص حنان !! هذا كلام فاضي

ليه دايم نظلم الزوجة ونخليها شماعة لكل شي وننسى الزوج ودورة في الحياة
أعتقد فيه شي إسمة تفاهم وحوار ..يعني لو هي منقّصة معة في شي ,,وش إللي يمنع إنة يقول لها ويعّلمها وش إللي يحتاجة منها ..مثل ماهي مقصّرة معه ..شي أكيد هو مقصّر معاها في شي ..
لكن طبع المرأة إنها ماتتكلم وتقول وش هي تبي ..وهالشي هو إللي يخّلي نظرة الزوج إن زوجتة هي إللي مقصّرة معه ويفتكر نفسة ماهو منقّص عليها شي ..
لو لغة الحوار موجودة في مجتمعنا ماتكلمنا في هالأمور ..لكن الزبدة هي(إمّا إمساكٍ بمعروف أو تسريحٍ بإحسان)


أمّا السؤال الثاني إن البنت تحب لها واحد متزوج فأنا أعتبرها مشاركة له في الخيانة.
لأنها في يوم من الأيام بتتزوج وماراح ترضى إن زوجها يحب وحدة ثانية.
فالشي إللي ماترضاة على نفسها لاترضاة على غيرها..


مشكورة كنز الغلا على الطرح الهادف وسؤالك إللي في محلة