النجوم الساريه

 

النجوم الساريه

ما كل زله للعذر صدر/ن عريض
نفسك لا تصبح للخطايا ضاريه
ترا السحاب اليا انعصر جاله نفيض
راحت تلاقفه الهبوب الذاريه
حتى لو أن البرق تلمحله وميض
سرا مقفي كالنجوم الساريه
كان المحاجر امتلت لازم تغيض
حكمه و جل الناس ماهي داريه
ماكل مرة وانت حضك يا حضيض
تسلم من انياب السباع الضاريه
اكبر مصيبه علت القلب المريض
مثل اللي يرقع لليديم الفاريه
يضحك لك بسنه و قلبه لك بغيض
اسود من الصاجه و خد الجاريه
ماله معزه منزله دوم الحضيض
ماتلقا له صاحب ونفس/ن شاريه
والصاحب الوافي له المولى حفيض
نرفع له البيضا ف راس الساريه
هو فيت المحتاج عن شمس المقيض
والطيبه مثل الزكاه الجاريه
كتبت له عنوان بالبنط العريض
فبيات ماهي منالصراحه عاريه
صدق المشاعر من خفوقي له تفيض
تلفي عجوله مثل حاله طاريه
فالكون كله ما نلاقي له معيض
مثل القمر بين النجوم الساريه


بقلم : فايز آل محيسن

المصدر: منتدى الخليج

 كل الشكر ع نقل الكلمات الجميله
ويعطيك الف عافية

  شكراً لطرحك الكلمات
يعطيك ربي العافية

 يسلمو الوتر الحساس
على وضعك هذه الكلمات الجميلة ويعطيك ألف عافية

 نوف
يسلمو على مرورك ويعطيك ألف عافية

 كنز الغلا
يسلمو على مرورك ويعطيك ألف عافية

 كحيلان
يسلمو على مرورك ويعطيك ألف عافية