خساره كل ماسامح خطـاك تزيد صدماتـي

قـائـمـة الأوسـمـة · #1

على حد السكوت الي جرح خد الكلام وذاب
وقفت اودع البسمه ابقتلهـا علـى شفاتـي

سعيت ادور الفرحـه وادور للهنـا اسبـاب
تعبت وتاهت ادروب السعاده فـي مساحاتـي

طويت الحزن بيديني وفصلتـه علـي ثيـاب
تقول ان الحزن فيني شقا مخلـوق فـي ذاتـي

عشقت الليل لاطبق على عين النهار اهـداب
وغنت بـه نجومـن فـي سمـاه تردد آهاتـي

قصيدٍ من الأسى سطرعلى لوح الزمان كتاب
حروفـن حبرهـا دم الوريد وسيـل دمعاتـي

على غدر الزمان الي وقف مع صدمة الأحباب
خساره كل ماسامـح خطـاك تزيد صدماتـي

الآ ياحظي المقفي ترى عنـدي عليـك اعتـاب
قبل لا تبتعد عنـي تعـال وشيـل شرهاتـي

تصد بضحكتك عني وانا الي ماحسبت احساب
عوافي كانها هانـت عليـك اليـوم عبراتـي

اشيلك هم في صدري ولا فتح للعواذل باب
اشفر موجـة الونـة ولـو تكبـر معانـاتـي

صحيح ان الغلا فاضح صحيح ان الهوى غلاب
ولكنـي امـوت ولايهـز الـذل رايـاتـي

تلوم الناس ماتدري واناالي بالجفـا منصـاب
ادوس الجمره برجلي وابيـن دوم ضحكاتـي

الآ ياهمن بصدري ترعرع بالخفـوق وشـاب
مادام انك على قيد الحيـاة اكتـب نهاياتـي

المصدر: منتدى الخليج