رغم القسى الممقوت قالت: بهنيـك
وأهني احفادي الصغار المساكيـن
بمناسبة هالعيـد و اللـي يخليـك
تعال عندي انت .. معك البزاريـن
مابيك .. تاخذني الى البيت.. مابيك
ابيكـم شويّـة دقايـق ..قريبيـن
خبيت لعيالك حلاوه مع كيـك
خبيت لك اشواقي في وجهي تبيـن
على الشفايا بسمتـي لـك تناديـك
بقول لاحزاني اذا جيـت ..بعديـن
لاتظن دمعاتي قهـر لـو بلاقيـك
لا يااولدي ..أمك ..تحبك من سنين
تطيح دمعاتي فرح يوم انا ابكيـك
الاّ انت لا مااتطيح من داخل العين
و ان كان بُعدي ياضنا الروح يكفيك
امك يكفيهـا تجـي كـل عيديـن
بس خايفة من شي .. (الله يكافيك)
(أموت) ما شوفك (بدار المسنيـن)
أنت غير مسجل في منتدى الخليج . للتسجيل الرجاء إضغط هنـا
العرض الشجري