ما تخافيش

 

ما تخافيش

ما تخافيش ما يهمكيش وما تقلقيش ولا تفتحيش .. باب ولا شيش ما خلاص خلاص قلبي اللي غاص ف الحب لاص ولا عادلهوش .. ف الحب ريش فاكره ف يومين جت عين ف عين والدبلتين .. وازاى نعيش والشقة فين بمرتبين فاتت سنين .. ومفيش .. مفيش قاسيه الحياة ولا مال وجاه والعقل تاه .. وماتلاقيش واليأس زاد والحب عاد حزن وبعاد .. وعتاب وطيش لاح من بعيد فارس جديد بحصان حديد .. وجناح وريش صار اللي صار والحب طار وحياتنا عار .. ما تبصي ليش ودا مش عتاب ولا هوش جواب عن شعر شاب .. عشان يعيش دا رد دين للدبلتين والضحكتين .. ماتعيطيش تاريخ ومات بالذكريات و ألبومات .. صور العريش خدي كل دول حسب الأصول وأنا مش هقول .. غير ما تخافيش لا ف يوم هـ بان وان صدفه كان وأنسي اللي كان .. ما تفكريش مايهمكيش وما تقلقيش ولا تفتحيش .. باب ولا شيش طائر الليل الحزين جميع الحقوق محفوظة لطائر الليل وللأمانة عند النقل ذكر المصدر

المصدر: منتدى الخليج