نقل الصور من الجوال إلى الكمبيوتر( شرح بالصور )

 

نقل الصور من الجوال إلى الكمبيوتر( شرح بالصور )

**الطريقة الأولى**

وهي عن طريق ذاكرة الجوال

1- تحتاج بالطريقة هذي إلى قطعة تصل بين الذاكرة والكمبيوتر وهذي صورة تحتوي على نوعين من أنواعها



سعر القطعه تقريبًا 10 ريال وموجودة عند أغلب محلات الكمبيوترات أو محلات الجوالات

2- تقوم بنزع ذاكرة الجوال



وهذي صورة للذاكرة والقطعه



3- إذا كان جوالك من الجوالات القديمة(الباندا أو الدمعه أو الفارس...الخ) تقوم بتركيب الذاكرة بالقطعه مباشرة ، ولكن لو كان
جوالك من الجوالات الي ذواكرها صغيره وش تسوي ؟؟ أنت بالحالة هذي بحاجة إلى حامل (الحامل هو البلاستيكه الي تجي مع
الذاكرة يوم تشتريها) وهذي صورة لثلاث حوامل



طبعًا الأنواع الجديدة من الجوالات كل نوع له حامل(Nokia6120 له حامل خاص غير عن Nokia N73 غير عن باقي
الأنواع)طبعًا لو كان ماهو موجود معك الحامل تاخذه من أقرب محل جوالات بلاش

4-الأن ركب الذاكره بالحامل



طبعًا لابد يكون الحامل خاص بالذاكرة

5-ركب الحامل بالقطعه الخاصة بالذاكره



6-وصل القطعه بالكمبيوتر عن طريق منفذ الـUSB وهذي صورة لمنفذ الـUSB



كذلك فيه منفذ للـUSB بواجهة الجهاز ، وهذي صورة للقطعه وهي موصلة بالمنفذ



7-راح يشتغل معك ضوء أحمر من القطعة وهذا يعني ان القطعه تم إيصالها بنجاح بالجهاز ، كذلك راح يطلع معك رمز على
شريط الوندوز الاسفل (بجنب الساعه)يفيد ان القطعه تم ايصالها للكبمبيوتر بنجاح



8-أذهب إلى جهاز الكمبيوتر راح تجد انه زاد معك قرص جديد



9-أدخل على القرص الجديد وتجد فيه المجلدات الحالية



إذا كنت تبي تنسخ صورة أذهب للمجلد الخاص بالصور واذا كنت تبي تنسخ فديو اذهب للمجلد الخاص بالفيديو

10-حدد الصور الي تبي تنزلها ثم أضغط الزر الايمن بالفاره ثم اضغط نسخ



واذهب للمستندات او لقرص D واضغط الزر الايمن ثم لصق
وبالشكل هذا تصير الصور موجودة معك على الجهاز وبإمكانك رفعه غلى الإنترنت
وبكذا نصير انتهينا من الطريقة الأولى .. بالرد التالي سوف نبدأ بالطريقة الثانية

**الطريقة الثانية**

عن طريق البلوتوث
1-تحتاج بالطريقة هذي لقطعه بلوتوث وهي موجودة عند محلات الجوالات ومحلات الكمبيوترات



2-توصل القطعه بالكمبيوتر عن طريق منفذ الـUSB كما في الصورة



3-راح يطلع معك رمز البلوتوث على شريط الوندوز الاسفل (بجنب الساعه)يفيد ان القطعه تم ايصالها للكبمبيوتر بنجاح




4-أضغط على رمز البلوتوث بالزر الايمن ثم اختر تلقي ملف(الخطوة هذي مهمه والكثير يغفل عنها ولو ماسويتها ماراح تقدر ترسل)




5-راح تظهر لك الشاشة الحالية تفيد بان الجهاز مستعد لتلقي اي ملف




6-الان ارجع لجوالك واختر الصورة الي تبيها واختر ارسال بالبلوتوث(كانك تبي ترسلها من جوال لجوال)بعد كذا راح يبحث الجوال عن اجهزة البلوتوث القريبة وراح يطلع معك أسم بلوتوث أنجليزي وبدل صورة الجوال صورة كمبيوتر انت قم بارسال الصورة عليه

7-بمجرد ماتختار ارسال الصورة على الكمبيوتر راح تظهر لك الشاشه الحالية تفيد بان الكمبيوتر بدا ينقل الصورة




8-إذا أكتمل النقل راح تظهر لك الشاشة هذي تفيد بتلقي الملف بنجاح



9-الآن أذهب لقرص D أو مكان الحفظ الي أنت حددته)وراح تجد الصورة موجودة



ملاحظة هامه : الطريقة الثانية تمكنك من ارسال ملف ملف ( لاتستطيع ارسال مجموعة ملفات في وقت واحد)
أما الطريقة الأولى تستطيع من خلالها ارسال مجموعة ملفات

المصدر: منتدى الخليج

 تسلم القلب الحزين
على الطرح الجميل والمميز
بجد شرح كاافي واافي لكيفية نقل الصور من الجواال للاب

 يسلمو على طرح الشرح والوافي
ويعطيك ألف عافية

 تسلم ع الشرح الوافي
ويعطيك العافيه

 

شكرا ً جزيلا ً على الشرح
ربي يعطيك الصحة و العافية

 كفيت وفيت بالشرح الرائع والمفيد الله يعافيك

 تسلم لطرحك الشرح بالصور
يسعدك ربي