منذ /03-08-2013, 07:13 PM
#1
|
|
 |
|
 |
|
كيف اقول اني على وجهي ..
أحبك ..
كيف اقول [ انتي حياتي ] ...
والخجل نشّف شفاتي !
كيف احرّر هالخفوق اللي سكنتي ..
وحْدك انتي ..
كيف اوصّل ما يكنّه ..
والكلام احْرق مع لساني لهاتي .. !
كلّما غطّى عتيم الليل شرْفه ..
ضاقت الدنيا بغرفه ..
وابتدا وقت التواصل ..
التعب عنوان والراحه فواصل !
وين اسافر وين اروح ؟ ...
لو اسافر إنتي الارض وسماها
عيني الثكلا تنوح ...
دمعتي ما بلّلت بارق ظماها
تحْضِنِك وتْودّعِك .. درفه و درفه
كيف اوضّحها واقول ..
كيف اعبّر والحيا أبرز سماتي .. !
تعْبَت حْروف القصايد تحتضر بين الفيافي ..
لين ربّع إسمك بكل القوافي
المشاعر حُبّ ..
والإحساس دافي
يا عطر ما شمِّتَه إلاّ حروفي ..
لو بغيتي اليوم توفي
هاتي الفرصه وبعطيك اعترافي ..
إنك اجمل من سكن لبّة فؤادي ..
واني اقسم لك بربّك ..
إيه احبك ..
واشتري بالموت قربك !
دامني بلقى مرادي ..
كيف اوضّحْها واقول ..
كيف اعبّر والحيا أشْين صفاتي .. !
لَ شآعرهآ آلفآتن : دآيم
|
|
 |
|
 |
|
|
|
|
أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
الإهداءات
العرض الشجري