صباح الخير لاوالله صباح الخاطر المكسور

 

صباح الخير لاوالله صباح الخاطر المكسور

صباح الخير,لاوالله صباح الخاطر المكسور
صباح الجرح ، ياجرحٍ يجي منك يعنيني

عذاب وهم في صدري وقلبٍ خايف ومذعور
تعب يكذب على أيامي بضحكة ماتخاويني

صرخ فم العشق فيني وقال أن الزمان يدور
خسارة كيف خنتيني وانتي ساكنه فيني

تعبت أعاند جروحي وهمي للأسف مغرور
سكن فيني وانا أشوفه بيضحك لو يبكيني

خيانة حب وأحساس ومشاعر تنكتب بسطور
خيانة ضحكةٍ كانت تجي منك تواسيني

نسيتك لأ لكني أحاول بس انا مجبور
معاد أقدر على حبك مدام اليوم بعتيني

وربي كنا أحلا ثنين حتى هالعشق مبهور
وكان الحب في عينك يبان وتاخذه عيني

على ضوء القمر نجلس ونخجل لأغشانا النور
أخاف النور يلمحني معاك وشابك أيديني

أضمك وأمسح بشعرك وأشمك وأطرد العصفور
أخاف أنك اذا شفتيه رحتي وماتبوسينيني

أجي يمك وأحط راسي على صدرك وأشم عطور
عطورك يابعد عمري من الأهات تشفيني

ومرة قلت لك أني بسافر ياغلاي شهور
بكيتي أسئلك وشفيك؟ قلتي لأتخليني

وكل هذا تخونيني؟ابعرف ليه انا مأسور
أسرني همي وحزني ودمعاً سال يشقيني

بكيتك دمعةً طاحت على خدي بليَا شعور
وانا شاعر بكى منه القلم يومك هجرتيني

كتبت الشعر بأحزاني وأهاتي غدت جمهور
تصفق دمعتي وتبكي على دمعي تعزيني

صورك بغرفتي دايم تخلي هالعذاب يثور
وكل ماشفت لك صورة أسافر بس تناديني

غدرتي الحب وخنتيني وانا في دنيتي مقهور
وخنتيني وانا ميت لأنك ماتحاكيني

أنا ميت ولكني أدور بالحياه قبور
أحس أن القبور اللي بجنبي ماتكفيني

أنا ميت وأبي منك على قبري تحطي زهور
(وبدال إسمي على قبري أبي كلمة خسرتيني)

المصدر: منتدى الخليج